قازاقستاندىق انالار بالالار تاعامىنىڭ جەتىسپەيتىندىگىنە شاعىمدانۋدا، دەپ حابارلايدى "ادىرنا" ۇلتتىق پورتالى استانا تەلەارناسىنا سىلتەمە جاساپ.
انالاردىڭ ايتۋىنشا، ەمحانالار ءبىر جىل بويى قولدان تاماقتاندىراتىن بالالاردى ارنايى قوسىمشا تاعاممەن قامتاماسىز ەتۋى ءتيىس. بىراق، قازىردىڭ وزىندە جاڭا تۋىلعان نارەستەلەرگە بەرىلەتىن قوسىمشا تاعام مۇلدەم جەتكىلىكسىز، دەيدى ايەلدەر.
ەگىزدەردىڭ اناسى زۋبيديام پالتيەۆا وعان ەكى نارەستە ءۇشىن تەك 12 قاپتاما قوسىمشا تاماق بەرىلگەنىن ايتتى. بۇل تاماق ەگىزدەرگە ون-اق كۇنگە جەتەدى. قاجەتتى تاعامدى وتباسىلىق بيۋدجەتتەن ساتىپ الۋ ءۇشىن سىزگە ءجۇز مىڭ تەڭگەگە دەيىن قاراجات جۇمساۋ كەرەك. ءتىپتى وسى جاقىندا دارىگەرلەر زۋبيديامعا بالالار تاماعىن بىرنەشە ەسە از بەرە باستادى.
"بالا التى ايىنان باستاپ ارالاس تاماقتاندىرۋعا اۋىسادى. ال بۇگىندە ماعان قوسپاسى 12 پاكەتتەن 8 قاپتاماعا دەيىن ازايىپ بەرىلۋدە. قوسپالار ءتىپتى جەتىسپەي بارادى. ءيا، بالا ارالاس تاماقتاندىرۋعا اۋىسادى، بىراق سونىمەن بىرگە بالانىڭ دەنەسى دە وسەدى جانە قوسپاعا دەگەن سۇرانىس تا ارتادى", دەيدى ەگىزدەردىڭ اناسى زۋبيديام پاليتەۆا.
ايەلدەر بۇل ماسەلەنى ءماجىلىس دەپۋتاتتارىنا جولدادى. پارلامەنتتەگىلەردىڭ پىكىرىنشە، ماسەلە شىنىمەن دە كۇردەلى. يۋنيسەف مالىمەتتەرى بويىنشا الەمدە ون بالانىڭ تورتەۋى عانا ەمشەك سۇتىمەن قورەكتەنەدى. قالعان بالالارعا قوسپالار قاجەت. ال قازاقستاندا بالالار تاعامىنىڭ جەتىسپەۋشىلىگى جىلدان جىلعا قايتالانىپ كەلەدى. بۇل ماسەلە ءالى دە شەشىلەر ەمەس، دەيدى ماجىلىسمەندەر. ماسەلەنىڭ نۇكتەسىن قويۋ ءۇشىن دەپۋتاتتار ۇكىمەتكە ۇندەۋ جازدى.
مەملەكەت بارلىق امالداردى قاراستىرىپ جاتىر. الايدا ناتيجە تولىعىمەن ءساتتى بولار ەمەس. وپتسيالاردىڭ ءبىرى - وسى بالالار تاعامى مەن ءسۇت جەتكىزىلىمىنىڭ مونەتيزاتسياسى. بىرىنشىدەن، ەمىزەتىن انالار اي سايىن وسى بانكىلەردى ارى-بەرى تاسىپ ءجۇرۋى كەرەك. ولار قانداي تاعام ساتىپ الۋ كەرەكتىگىن بىلگەنىمەن، ەمحانالار ءۇشىن قاجەتتى ساتىلىمعا كەلىسۋ دە كۇردەلى ءىس بولىپ تابىلادى، دەدى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «نۇر وتان» فراكتسياسىنىڭ مۇشەسى يۋري جۋلين.
ءوز كەزەگىندە «استانا تايمس» جۋرناليستەرى دەنساۋلىق ساقتاۋ مينيسترلىگىنە ساۋال جولدادى. ءبىز شەنەۋنىكتەردەن ءبىزدىڭ ەلىمىزدە نارەستە تاعامىنىڭ نەگە تاپشى ەكەنىن ءتۇسىندىرىپ بەرۋىن سۇرادىق. ءبولىم بىزگە جاقىن ارادا جاۋاپ بەرۋگە ۋادە ەتتى.
"ادىرنا" ۇلتتىق پورتالى
