Qolynda dıplomy joq qazaq balasy úsh qurylys kompanııasynda ınjener-geodezıst bolyp jumys istep júr
Osydan biraz ýaqyt buryn bir qurylys kompanııasynda ınjener-geodezıst bolyp Erqanat degen jigit jumys istedi.
Surastyra kele, Erqanattyń arnaıy oqyǵan mamandyǵy da, dıplomy da joq bolyp shyqty. Men odan dıplomsyz qalaı istep júrsiń dep suradym. Aldynda bir kompanııada qarapaıym jumys istep, ınjenerlikke qyzyqtym, sodan osy jumysty praktıkalyq túrde bastap kettim. Qazir geodezııanyń barlyq jumysyn úırenip aldym. Bir emes, úsh kompanııada geodezıst bolyp jumys isteımin dedim. Dááááá, dedim ishimnen.
Geodezısttiń jumysy óte jaýapty ınjenerlik jumys. Qate ketseń basyńmen jaýap beresiń. Sebebi, sen shyǵaryp bergen esepter boıynsha ǵımarattyń negizi qalanady.
Negizi alǵyr, daryndy adamǵa dıplom kerek emes. Alǵyr, mıy jaqsy jumys isteıtin adamnyń dıplomsyz-aq ıgerip alatynyn talaı kórdim. Negizi damyǵan, órkenıetti AQSh, Eýropa elderinde seniń qolyńdaǵy bir paraq qaǵazyńa qaramaıdy. Basyńda mı jaqsy jumys istese, seniń bir paraǵyńnyń olarǵa túk te keregi joq. Sondyqtan olar praktıkanyń adamdaryn jumysqa jedel alady.
Biz teorııany da, praktıkany da ushtastyryp úırendik. Al, mynaý qazaqtyń qara balasy teorııany oqymaı-aq, dıplomdy qolyna almaı-aq, ınjenerlik praktıkany operatıvti túrde júzege asyryp júr. Qazaqtyń talaı bilimdi, myqty jigitterine qoldaý bolmaı júr. Qoldaý bolsa, qarajaty bolsa, jańa Qazaqstan qurylatyn edi. Negizi qazaqtyń balasy erekshe daryndy bolyp keledi.
Bekbolat QARJAN,
"Adyrna" ulttyq portaly
