شىمكەنتتە ەرەكشە توي ءوتتى!
شىمكەنتتەن شىعاتىن رەسپۋبليكالىق "تەمىرقازىق وي" گازەتىنىڭ ۇجىمى، وزدەرىنىڭ اشىلعاندارىنا 10 جىل تولعان ايتۋلى داتالارىن ەرەكشە اتاپ ءوتۋدى ءجون كورىپتى.
گازەتتىڭ باس رەداكتورى انار سۇلەەۆا حانىمنىڭ ۇيىمداستىرۋىمەن، جۋرناليستتەر مەن بلوگەرلەر، قوعام قىزمەتكەرلەرى مەن وقىرماندار اراسىندا بيليارد پەن شاحماتتان حالقارالىق اشىق تۋرنير وتكىزىلدى.
العاشى كۇنى قىرعىزستان مەن تاراز، تۇركىستان وبل جانە شىمكەنت قالالارىنان كەلگەن ازاماتتار اراسىنان 8 كوماندا جاساقتالىپ "ديناميكالىق پيراميدا" ەرەجەسىمەن بيلياردتان كوماندالىق جارىسقا تۇسسە،
كەلەسى كۇنى شاحماتتان جەكەلەي سىندا باقتارىن سىنادى.
باس رەداكتور انار سۇلەەۆا حانىم گازەت ۇجىمىنىڭ وسىلاي تويلاۋداعى نيەتتەرىن "بىزدەر ۇنەمى قوعامنىڭ ورتاسىندا جۇرگەندىكتەن ءاربىر مەملەكەتتىك، قوعامدىق باستامالاردىڭ ارتىق-كەمشىل تۇستارىن ەسكەرىپ جۇرەمىز.
مىسالى: "سالاۋاتتى ءومىر سالتىن قالىپتاستىرۋ" مەن "ينتەلەكتۋالدى ۇلت" دەگەن باعدارلامالار بويىنشا ايتارلىقتاي جۇمىستار جۇرگىزىلۋدە. قوعامدى قوزعاۋشى كۇش - ء"تورتىنشى بيلىك" وكىلدەرى رەتىندە، وسى باعىتتاعى مەملەكەتتىك باعدارلامالاردىڭ ناتيجەلى جۇزەگە اسۋىنا ءوز ۇلەسىمىزدى قوسۋ ماقساتىندا مەرەيتويىمىزدى ۇلتقا دا، وزىمىزگە دە قاتار پايدالى ەتىپ وسىلاي تويلاعاندى ءجون كوردىك.
ءارى، پرەزيدەنتىمىزدىڭ حالقىمىزعا ۇسىنىپ وتىرعان نەگىزگى باعىتتارىنىڭ ءبىرى "قوعام مەن اتقارۋشى بيلىكتىڭ اراسىن جاقىنداتۋ" ماقساتىنداعى اتقارىپ جاتقان جۇمىستارىنا ءوز ۇلەسىمىزدى قوسۋ نيەتىمەن، جەرگىلىكتى اتقارۋشى بيلىك وكىلدەرى مەن ءماسليحات دەپۋتاتتارىندا وسى تۋرنيرگە شاقىرعانبىز. ويتكەنى، ء"بىر ستول باسىنداعى بيليارد پەن شاحمات ويىندارى بارلىق ازاماتتاردى وزدەرىنىڭ قوعامداعى ستاتۋستارىنا قاراماستان ءبارىنىڭ تەڭ دارەجەدەگى مۇشەلەرى ەكەندىكتەرىن سەزىندىرىپ، ەشقانداي كەدەرگىسىز ءبىر-ءبىرىنىڭ ەموتسيالارى مەن بالاشا قۋانعان ساتتەرىن كورىپ، ءبارىنىڭ ەتپەن-سۇيەكتەن جارالعان قاراپايىم ادامدار ەكەنىن سەزىندىرەدى" دەگەن تەرەڭ فيلوسوفيادان تۋعان ويىمىز بولاتىن.
وسىلايشا ءماسليحات دەپۋتاتتارى، اتقارۋشى بيلىك وكىلدەرى، جۋرناليستتەر مەن قاراپايىم وقىرماندار قاتىسقان ەرەكشە تويىمىز ءوتتى. ءتىپتى، شىمكەنت قالالىق پوليتسيا دەپارتامەنتىنىڭ باسشىسى گەنەرال ەرالى دجۋماحانبەتوۆ مىرزا ء"بىز دە وسى قوعامنىڭ مۇشەلەرى رەتىندە وسىنداي ساتتەن تىس قالعانىمىز جاراماس" دەپ، ءبىر كوماندانى جاساقتاپ ءوزى باستاپ كەلدى.
وسىلايشا ەرەكشە تويلايمىز دەگەن نيەتىمىز ورىندالدى. وزگە ۇجىمدارعا دا وي سالسا ەكەن دەگەن تىلەگىمىز بار" دەپ تۇيىندەدى.
ەكى كۇنگە سوزىلعان وسىنداي ەرەكشە تويدىڭ سيلىق قورى دا مول بولدى.
بيليارد ءتۋرنيرىنىڭ جەڭىمپازدارى:
ءبىرىنشى ورىن مەرگەن 1 كومانداسى.(كىر جۋاتىن ماشينا)
ەكىنشى ورىن تاراز كومانداسى.(تەلەۆيزور)
ءۇشىنشى ورىن شىمكەنت قالاسىنىڭ پوليتسيا دەپارتامەنتى (اسحانالىق كومباينى)
ارنايى جۇلدە مەرگەن 2 كومانداسى.(تەلەۆيزور)
كورەرمەن كوزايىمى كايرات كاريباەۆ (مۋزىكالىق ورتالىق)
ويىندا جىگەرلىلىك پەن تاباندىلىق تانىتقانى ءۇشىن نۋرلان بۋريەۆ (بوگەما جيىنتىعى)
سۇرمەرگەن ورالحان ءداۋىت (قابىرعا ساعاتى).
ۇزدىك ويىنشى رۇستەم ەسىمحانۇلى اشەتاەۆ (پلانشەت).
اشىق الاڭدا وتكەن شاحمات ءتۋرنيرىنىڭ جەڭىمپازدارى:
1 ورىن دجۋماديللاەۆ قۋانىش
(سمارت تەلەۆيزور مەن ديپلوم كۋبوك مەدال)
2- ءشى ورىن ماقسات بالتابايۇلى
(كوفەۆاركا اپپارات كۋبوك ديپلوم مەدال)
3- ءشى ورىن تۇيەتاەۆ اسىلبەك
( مۋزىكالىق ورتالىق (مۋز. تسەنتر) ديپلوم مەدال)
ارنايى تەمىرقازىق-وي گازەتىنىڭ جۇلدەسى tefal جيىنتىعىن اسحات شوتاەۆ جانە وتىرارلىق الماس اقىلبەك سمارت ساعات تابىستالدى.
سونىمەن قاتار بارلىق قاتىسۋشىلار ارنايى العىس حاتپەن ماراپاتتالدى.
"ادىرنا" ۇلتتىق پورتالى
