ەكىنشى جىل قاتارىنان قازاقستان رەسپۋبليكاسىنىڭ اۋىل مەكتەپتەرىندەگى 5-6 سىنىپتىڭ مىڭداعان وقۋشىسى ەلىمىزدىڭ جەتەكشى مەكتەپتەرىندە جانە تۇڭعىش Birge Oqý ونلاين مەكتەبىندە ءبىلىمىن جالعاستىرۋعا مۇمكىندىك الدى.
بۇل تۋرالى قر پرەزيدەنتى جانىنداعى وكق الاڭىندا وتكەن «ەلباسى اكادەمياسى» كورپوراتيۆتىك قورىنىڭ باسقارۋشى ديرەكتورى ءانۋار جانعوزيننىڭ بريفينگىندە بەلگىلى بولدى. ۇيىمداستىرۋشىلار: قر ءبىلىم جانە عىلىم مينيسترلىگىنىڭ قولداۋىمەن نۇرسۇلتان نازارباەۆ قورى مەن ەلباسى اكادەمياسى.
ءباسپاسوز كونفەرەنتسياسىندا اۋىل وقۋشىلارىنا ارنالعان 2021 جىلعى «مىڭ بالا» ۇلتتىق وليمپياداسىنىڭ ناتيجەلەرى جاريالاندى.
وڭىرلەر قيماسىندا وليمپيادا جەڭىمپازدارىنىڭ سانى بويىنشا جەتىسۋلىق 201 جاس ورەن مەن تۇركىستاننان 184 بالا توپ جاردى. وسىلايشا،قوس وبلىس كوش باستادى. ال ەڭ جوعارى بالعا الماتى، ماڭعىستاۋ جانە پاۆلودار وبلىستارىنىڭ وقۋشىلارى يەلىك ەتتى. بيىل وليمپيادا العاش رەت ونلاين فورماتتا ءوتتى.
وليمپياداعا 5-6 سىنىپتىڭ 150 مىڭعا جۋىق وقۋشىسى تىركەلدى. I كەزەڭگە 96 مىڭنان استام وقۋشى قاتىستى. العاشقى كەزەڭنىڭ ناتيجەسىمەن وڭىرلەر بولىنىسىندە ەڭ جوعارى ناتيجە كورسەتكەن 5000 فيناليست ىرىكتەلدى. ولاردىڭ ورتاشا بالى 400 بالدان 343 بالدى قۇراعانىن اتاپ ءوتۋ كەرەك. بۇل اۋىل وقۋشىلارىنىڭ داعدىلارىنىڭ جوعارى ەكەنىن كورسەتەدى، - دەدى «ەلباسى اكادەمياسى» كق باسقارۋشى ديرەكتورى ءانۋار جانعوزين.
ەستەرىڭىزگە سالايىق، «مىڭ بالا» وليمپياداسى اۋىلدىق جەرلەردەگى دارىندى وقۋشىلاردىڭ قابىلەتىن دامىتۋعا جانە قولداۋعا باعىتتالعان. وليمپيادا ەكى جىل ىشىندە اۋىل مەكتەپتەرىنىڭ 5-6 سىنىپتاعى 400 مىڭنان استام وقۋشىسىن قامتىدى. ماقساتى – اۋىلدىق جانە قالالىق مەكتەپ وقۋشىلارىنىڭ اكادەميالىق بىلىمدەرى مەن قابىلەتتەرىنىڭ اراسىنداعى الشاقتىقتى ازايتۋ.
وليمپيادا جەڭىمپازدارى ەلىمىزدىڭ دارىندى بالالارعا ارنالعان جەتەكشى مەكتەپتەرىندە: رەسپۋبليكالىق فيزيكا-ماتەماتيكا مەكتەبىندە، «ءبىلىم-يننوۆاتسيا» ليتسەيلەرىندە، «دارىن» مامانداندىرىلعان مەكتەپتەرىندە جانە ەلباسى اكادەمياسىنىڭ ۆirge oqý ونلاين مەكتەبىندە وقۋعا مۇمكىندىك الادى.
«ەلباسى اكادەمياسى» كق ءباسپاسوز قىزمەتى
