شىمكەنت جاستار ليگاسىندا فۋتبولدان №87 مەكتەپ جەڭىسكە جەتتى

2816
Adyrna.kz Telegram

بۇگىن "شىمكەنت جاستار ليگاسى" ويىندارىنىڭ سوڭعى ويىنى ءوتتى. فۋتبولدان جەڭىمپاز كوماندا انىقتالدى. اقتىق ويىنعا قالا اكىمى مۇرات ايتەنوۆ تە قاتىسىپ، كوماندالارعا قولداۋ كورسەتتى.

فينالدىق ويىن № 87 ا.نازاربەكوۆ اتىنداعى جالپى ورتا مەكتەبى مەن №58 جالپى ورتا ءبىلىم بەرۋ مەكتەبى اراسىندا بولدى. ناتيجەسىندە 1:0 ەسەبىمەن № 87 مەكتەپ جەڭىسكە جەتتى. ال ءۇشىنشى ورىن №3 ۋلىقبەك اتىنداعى جالپى ورتا مەكتەبىنىڭ ۇلەسىنە ءتيدى.

جالپى ليگادا فۋتبول ويىنىنان 135 كوماندا باق سىناعان بولاتىن. جەڭىمپازداردى سالتاناتتى ماراپاتتاۋ ءراسىمى قاجىمۇقان اتىنداعى ورتالىق ستاديوندا ءوتتى.

ايتا وتسەك، بۇل جوبا قالادا العاش رەت شىمكەنت قالاسىنىڭ مادەنيەت، تىلدەردى دامىتۋ جانە مۇراعاتتار باسقارماسى، ىشكى ساياسات جانە جاستار ىستەرى جونىندەگى باسقارماسى، دەنە شىنىقتىرۋ جانە سپورت، ءبىلىم باسقارمالارىنىڭ ۇيىمداستىرۋىمەن قولعا الىنعان.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر