ءبىلىم جانە عىلىم مينيسترلىگى وقۋشىلاردىڭ جاڭا وقۋ جىلىندا قالاي دەمالاتىنىن مالىمدەدى. «ورتا ءبىلىم بەرۋ ۇيىمدارىندا 2021 – 2022 وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى» بۇيرىق اشىق نقا پورتالىندا جاريالاندى، دەپ حابارلايدى «ادىرنا» ءتىلشىسى.
«مەنشىك نىسانىنا جانە ۆەدومستۆولىق باعىنىستىلىعىنا قاراماستان ورتا ءبىلىم بەرۋ ۇيىمدارىندا 2021 - 2022 وقۋ جىلىنىڭ باستالۋى، ۇزاقتىعى جانە كانيكۋلى كەزەڭدەرىنىڭ مىناداي مەرزىمدەرى ايقىندالسىن:
1) 2021 - 2022 وقۋ جىلىنىڭ باستالۋى - 2021 جىلعى 1 قىركۇيەك;
2) وقۋ جىلىنىڭ ۇزاقتىعى 1-سىنىپتاردا – 33 وقۋ اپتاسى، 2-11 (12)- سىنىپتاردا – 34 وقۋ اپتاسى. مەيرام كۇندەرىنە تۇسكەن ساباقتار وقۋ باعدارلاماسى مازمۇنىنىڭ كىرىكتىرىلۋى ەسكەرىلە وتىرىپ، قايتالاۋعا ارنالعان ساعاتتار ەسەبىنەن كەلەسى جۇمىس كۇندەرىنە اۋىستىرىلادى»،–دەلىنگەن حابارلامادا.
وقۋ جىلى ىشىندەگى كانيكۋل كەزەڭدەرى:
1-11 (12) – سىنىپتاردا: كۇزگى كانيكۋل – 7 كۇن (2021 جىلعى 25-31 قازان ارالىعىندا), قىسقى – 11 كۇن (2021 جىلعى 31 جەلتوقسان مەن 2022 جىلعى 10 قاڭتار ارالىعىندا), كوكتەمگى – 11 كۇن (2022 جىلعى 21-31 ناۋرىز ارالىعىندا);
1-سىنىپتاردا قوسىمشا كانيكۋل 7 كۇن (2022 جىلعى 7-13 اقپان ارالىعىندا) بولادى.
«ادىرنا» ۇلتتىق پورتالى