2021-2022 oqý jylynda demalys kúnderi qysqarady

30498
Adyrna.kz Telegram

Bilim jáne ǵylym mınıstrligi oqýshylardyń jańa oqý jylynda qalaı demalatynyn málimdedi. «Orta bilim berý uıymdarynda 2021 – 2022 oqý jylynyń bastalýyn, uzaqtyǵyn jáne kanıkýl kezeńderin aıqyndaý týraly» buıryq Ashyq NQA portalynda jarııalandy, dep habarlaıdy «Adyrna» tilshisi.

«Menshik nysanyna jáne vedomstvolyq baǵynystylyǵyna qaramastan orta bilim berý uıymdarynda 2021 - 2022 oqý jylynyń bastalýy, uzaqtyǵy jáne kanıkýly kezeńderiniń mynadaı merzimderi aıqyndalsyn:

1) 2021 - 2022 oqý jylynyń bastalýy - 2021 jylǵy 1 qyrkúıek;

2) oqý jylynyń uzaqtyǵy 1-synyptarda – 33 oqý aptasy, 2-11 (12)- synyptarda – 34 oqý aptasy. Meıram kúnderine túsken sabaqtar oqý baǵdarlamasy mazmunynyń kiriktirilýi eskerile otyryp, qaıtalaýǵa arnalǵan saǵattar esebinen kelesi jumys kúnderine aýystyrylady»,–delingen habarlamada.

Oqý jyly ishindegi kanıkýl kezeńderi:

1-11 (12) – synyptarda: kúzgi kanıkýl – 7 kún (2021 jylǵy 25-31 qazan aralyǵynda), qysqy – 11 kún (2021 jylǵy 31 jeltoqsan men 2022 jylǵy 10 qańtar aralyǵynda), kóktemgi – 11 kún (2022 jylǵy 21-31 naýryz aralyǵynda);

1-synyptarda qosymsha kanıkýl 7 kún (2022 jylǵy 7-13 aqpan aralyǵynda) bolady.

«Adyrna» ulttyq portaly

Pikirler