الماتىدا پوليتسەي جاياۋ جۇرگىنشىنى قاعىپ ءولتىردى (ۆيدەو)

1057

الماتىدا پوليتسيا قىزمەتكەرى جاياۋ جۇرگىنشىنى قاعىپ ءولتىردى. بۇل تۋرالى قالالىق پوليتسيا دەپارتامەنتى مالىمدەدى، دەپ حابارلايدى «ادىرنا» ءتىلشىسى.

قايعىلى وقيعا 14 ماۋسىم كۇنى تاڭەرتەڭ الاتاۋ اۋدانىندا بولعان.

«Hyundai Elantra كولىگىنىڭ جۇرگىزۋشىسى وتەمىسۇلى كوشەسىنىڭ وڭتۇستىك باعىتىندا كەلە جاتىپ، كەنەتتەن مانەۆر جاساي باستاعان كولىكپەن سوقتىعىسۋدى بولدىرماۋ ءۇشىن اۆتوكولىك جۋ ورنىنىڭ شىعىس جاعىنا قاراي شىعىپ كەتتى، سول جەردە جاياۋ جۇرگىنشىنى – س.ەسىمدى ازاماتتى قاعىپ كەتتى. سونداي-اق، «گازەل» اۆتوكولىگىنە سوقتىعىستى.

جول-كولىك وقيعاسى سالدارىنان جاياۋ جۇرگىنشى كوز جۇمدى. اتالعان فاكت سوتقا دەيىنگى تەرگەۋدىڭ بىرىڭعاي تىزىلىمىنە قر قك-ءنىڭ 345-بابى 3-ءبولىمى بويىنشا تىركەلدى. قىلمىستىق ءىستى الماتى قالالىق پد انىقتاۋ باسقارماسى جۇرگىزۋدە. جۇرگىزۋشىگە قاتىستى تەرگەۋ امالدارى جۇرگىزىلۋدە»،– دەلىنگەن حابارلامادا.

«ادىرنا» ۇلتتىق پورتالى

پىكىرلەر
رەداكتسيا تاڭداۋى