قازاقستان ءوزى دايىنداپ شىعاراتىن كوروناۆيرۋسقا قارسى QazVaس ۆاكتسيناسىن شەتەلدەرگە ەكسپورتتاۋعا جانە كولەمىن ارتتىرۋعا دايىن. بۇل تۋرالى مەملەكەت باسشىسى قاسىم-جومارت توقاەۆ شەتەلدىك ينۆەستورلار كەڭەسىنىڭ وتىرىسىندا ايتتى دەپ حابارلايدى اقوردا.
مەديتسينالىق قىزمەت كورسەتۋ ەكسپورتى سالاسىندا ۇكىمەت جەكە مەديتسينانى جانە مەديتسينالىق ءتۋريزمدى ەنگىزۋ ءىسىن دامىتۋ جونىندەگى «General Electric» كومپانياسىنىڭ ۇسىنىسىن قاراستىرادى.
"قازاقستان – ءوزىنىڭ عىلىمي الەۋەتىنىڭ ارقاسىندا كوروناۆيرۋسقا قارسى QazVac وتاندىق ۆاكتسيناسىن ازىرلەپ شىعارعان از عانا ەلدەردىڭ ءبىرى. وتكەن اپتادا دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەسۋ وتكىزدىم. ددسۇ QazVac ۆاكتسيناسىن توتەنشە جاعدايلاردا پايدالانۋعا كەڭەس بەرەتىن ءدارى-دارمەكتەردىڭ تىزىمىنە ەنگىزۋدى قاراستىرىپ جاتىر. ءبىز ۆاكتسينا كولەمىن ارتتىرۋعا جانە ونى شەتەلگە ەكسپورتتاۋعا دايىن ەكەنىمىزدى اتاپ وتكىم كەلەدى", – دەدى قاسىم-جومارت توقاەۆ.
