فاستفۋدپەن تاماقتانساق گەنىمىز جاقسارمايدى

2596
Adyrna.kz Telegram

تاماق ادامنىڭ مىنەزىنە، گەنوفوندىنا اسەر ەتەدى. مىسالى، سىرت ەلدىڭ كوكا-كولا، پەپسي-كولا جانە دە فاسفۋدتارىمەن تاماقتانساق، گەنىمىز جاقسارمايدى. بۇرىندارى شەتەلگە بارعانىمدا «بۇل قانداي تاعام، ءبىزدىڭ ەلدە نەگە جوق؟» دەپ قىزىعىپ، ونداي ونىمدەردى جەپ كورگەنىم راس. كەيىن ونىڭ زيانىن بىلگەن سوڭ، مۇنداي تاعامدارعا جولامايتىن بولدىم.

جالپى، سىرتتان كەلەتىن ونىمدەردىڭ حالىق دەنساۋلىعىنا كەلتىرەر كەسەلى وتە كوپ. ماسەلەن، ءبىز قىمىز، شۇبات، قىمىران، باۋىرساق، ىرىمشىك، ەت سياقتى ۇلتتىق تاعامدارىمىزدى جەۋگە تىيىم سالمايمىز. سەبەبى ونىڭ ادام دەنساۋلىعىنا پايدالىلىعى باياعىدا-اق دالەلدەنىپ قويعان. ولاردى تەكسەرۋدەن وتكىزبەي-اق تۇتىنا بەرۋگە بولادى.

ال، ەنەرگەتيكالىق سۋسىنعا تۇبەگەيلى قارسىمىن. ونىڭ اعزاعا پايداسى بار دەگەن پىكىرمەن كەلىسپەيمىن. سەبەبى ادامنىڭ ورتالىق جۇيكە جۇيەسىن بەلسەندەندىرىپ، جۇمىس ىستەۋ قابىلەتىن ارتتىرۋعا باعىتتالعان بۇل سۋسىنداردىڭ قۇرامىندا كوفەين، تاۋرين سياقتى قوسپالار بار. ولاردى بەلگىلى مولشەردەن كوپ قولدانسا، ادامنىڭ ەنەرگياسى نەمەسە بۇرىن بايقالماعان قانداي دا ءبىر اۋرۋى قوزادى. قوزۋدىڭ اسەرىنەن ادام السىرەيدى. ول بىردەن بايقالماعانىمەن، ۋاقىت وتە كەلە تۇراقتى تۇتىنۋشىنىڭ دەنساۋلىعى كۇرت ناشارلاۋى مۇمكىن. ءونىم ادامعا قوسىمشا قۋات بەرەدى دەۋ – قاتە پىكىر.

اتى «ەنەرگەتيك» بولعانىمەن، زاتى وعان ساي ەمەس. كەرىسىنشە، بويداعى بار ەنەرگيانى ارتىعىمەن جۇمساپ، تۇگەلىمەن شىعارادى. بىلايشا ايتقاندا، ادامنىڭ ەنەرگياسىن وزىنەن «قارىزعا الادى».

دەنساۋلىق ساقتاۋ ماماندارىنىڭ مالىمدەۋىنشە ەنەرگەتيكالىق سۋسىنداردى جۇيەلى تۇردە قولدانۋ جۇرەك-قان تامىرلارى جۇيەسى قىزمەتىنىڭ بۇزىلۋىنا، ۇيقىسىزدىق دەرتىنە، ادام اعزاسىنىڭ ۋاقىتىنان بۇرىن السىرەۋىنە، قان قىسىمىنىڭ كوتەرىلۋىنە اكەلىپ سوعادى.

ونى جۇيكەسى سىر بەرگەن، گيپەرتونيا، گلاۋكومامەن اۋىراتىن ادامدارعا جانە اياعى اۋىر ايەلدەر مەن 18 جاسقا دەيىنگى جاستارعا قولدانۋعا بولمايدى. مۇنداي اس-اۋقاتتى سىرت اينالىپ جۇرگەنىمىز دۇرىس.

تورەگەلددى شارمانوۆ،

facebook پاراقشاسىنان

 

پىكىرلەر