7 وڭىردە داۋىلدى ەسكەرتۋ جاريالاندى

11 ماۋسىمدا الماتى مەن جەتى وبلىستا داۋىلدى ەسكەرتۋ جاريالاندى، دەپ حابارلايدى قازگيدرومەد.  جۇما كۇنى اۋا رايى قانداي بولادى قوستاناي وبلىسىندا كەي جەرلەردە نايزاعاي كۇتىلەدى. سولتۇستىك-شىعىستان سوققان جەل كەي جەرلەردە 15-20 م/س-كە دەيىن كۇشەيەدى. شىعىس قازاقستان وبلىسىندا كەي جەرلەردە نايزاعاي، بۇرقاسىن، بۇرشاق كۇتىلەدى. سولتۇستىك-شىعىستان جەل سوعادى، كەي جەرلەردە 15-20, كۇندىز ەكپىنى 25 م/س-كە جەتەدى. بەسقاراعاي ايماعىندا ءورت قاۋپى وتە جوعارى بولادى دەپ كۇتىلۋدە. كۇندىز وسكەمەندە نايزاعاي كۇتىلەدى. سولتۇستىك-شىعىستان سوققان جەلدىڭ ەكپىنى 15-20 م/س-كە جەتەدى. سەمەيدە كۇندىز سولتۇستىك-شىعىستان سوققان جەلدىڭ ەكپىنى 15-20 م/س-كە جەتەدى. اقمولا وبلىسىندا نايزاعاي وينايدى، كەي جەرلەردە بۇرشاق جاۋى مۇمكىن. سولتۇستىك-شىعىستان 15-20 م/س جىلدامدىقپەن جەل سوعادى. باتىس قازاقستان وبلىسىندا كۇن كۇركىرەپ، بۇرشاق جاۋى مۇمكىن. وڭتۇستىك-شىعىستان سوققان جەل، كەي جەرلەردە 15-20 م/س-گە جەتەدى. ورالدا كۇندىز نايزاعاي ويناپ، بۇرشاق جاۋى مۇمكىن. تۇستەن كەيىن وڭتۇستىك-شىعىستان سوققان جەلدىڭ ەكپىنى 18 م/س بولماق. الماتى وبلىسىنىڭ تاۋلى ايماقتارىندا قاتتى جاڭبىر جاۋادى. كەيبىر جەرلەردە توتەنشە ءورت قاۋپى بار. تالدىقورعاندا نايزاعاي كۇتىلەدى. باتىستان جەل سوعادى، نايزاعاي وينايدى، جەلدىڭ ەكپىنى 15 م/س بولادى. الماتىدا نايزاعاي وينايدى دەپ بولجاندى. اقتوبە وبلىسىندا كەي جەرلەردە نايزاعاي كۇتىلەدى، شىعىستان، وڭتۇستىك-شىعىستان سوعاتىن 15-20 م/س جىلدامدىقتا جەل سوعادى. ماڭعىستاۋ وبلىسىندا كەي جەرلەردە نايزاعاي كۇتىلەدى. تۇندە سولتۇستىك، سولتۇستىك-شىعىستان سوققان جەل 15-20 م/س-گە كۇشەيەدى. اقتاۋدا تۇندە نايزاعاي كۇتىلەدى.