ماڭعىستاۋ 5 ايدىڭ قورىتىندىسى بويىنشا وڭىرلەر اراسىندا كوش باسىنا شىقتى

763

بۇگىن قر ۇكىمەتىنىڭ وتىرىسىندا وڭىرلەردىڭ 5 ايداعى الەۋمەتتىك ەكونوميكالىق دامۋ كورسەتكىشى جاريالاندى. ماڭعىستاۋ وبلىسى وتە جاقسى كورسەتكىشكە يە بولدى. وڭدەۋ، اۋىلشارۋاشىلىعى، قۇرىلىس، تۇرعىنۇي بەرۋ، ساۋدا، كولىك، جەكە ينۆەستيتسيا ياعني ەكونوميكانىڭ بارلىق 7 باعىتى بويىنشا وڭ وسىمگە قول جەتكىزدى.

- وڭدەۋ ونەركاسىبىنىڭ كولەمى – 104,5% ;

- نەگىزگى كاپيتالعا سالىنعان ينۆەستيتسيا – 115,1% ;

- اۋىل شارۋاشىلىعى ءونىمىنىڭ كولەمى – 103% ;

- قۇرىلىس جۇمىستارىنىڭ كولەمى – 109,1%;

- تۇرعىن ءۇيدى ىسكە قوسۋ قارقىنى – 106,3%;

- ساۋدا – 102,7%;

- كولىك جانە لوگستيكا – 108,1% دەڭگەيىندە قامتاماسىز ەتىلىپ، وڭ وسىمگە قول جەتكىزىلدى.

جىل باسىنان بەرى وڭدەۋ ونەركاسىبىن دامىتۋ سالاسىنداعى ءوندىرىس كولەمى 4,5%-عا ارتىپ، 63,5 ملرد. تەڭگەنى قۇرادى. بۇل تۋرالى ماڭعىستاۋ وبلىسىنىڭ اكىمى سەرىكباي ترۇموۆ ورتالىق كوممۋنيكاتسيالار ورتالىعىندا وتكەن بريفينگىدە مالىمدەدى.

«وبلىستا مينەرالدى تىڭايتقىشتار، بيتۋم جانە مۇناي ونىمدەرىن ءوندىرۋ كولەمى وسكەن. ماسەلەن اقتاۋداعى «كاسپي بيتۋم» زاۋىتى 5 ايدا جالپى ەلىمىزدە وندىرىلگەن جول بيتۋمىنىڭ 48% قامتىپ وتىر»، - دەدى س.ترۇموۆ.

ماڭعىستاۋ وبلىسى اكىمىنىڭ ايتۋىنشا، بيىل بۇل سالادا جالپى قۇنى – 21,7 ملرد. تەڭگە بولاتىن 8 جاڭا جوبا ىسكە اسىرىلۋدا. ناتيجەسىندە جاڭادان 200-دەن استام جۇمىس ورنىن قۇرۋ جوسپارلانىپ وتىر.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket