بانك قىزمەتكەرى كليەنتتەردىڭ اقشاسىن قۇمار ويىنعا سالعان

1850
Adyrna.kz Telegram

اقتوبەدە بانك مەنەدجەرى كليەنتتەردىڭ شوتتارىنان اقشا الىپ، قۇمار ويىن ويناعان، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

اعىمداعى جىلعى مامىر ايىنىڭ باسىندا پوليتسياعا بىرنەشە ازامات قارجى مەكەمەلەرىنىڭ بىرىندەگى شوتتارىنان اقشانىڭ ءبىر بولىگى جوعالىپ كەتكەندىگى تۋرالى ارىزدانعان. پوليتسيا قىزمەتكەرلەرى تەرگەۋ ارەكەتتەرىن جۇرگىزۋ بارىسىندا قارجى مەكەمەسىنىڭ 21 جاستاعى وپەراتورىن انىقتاپ، ۇستادى. كۇدىكتى ءۇش اي بويى ءتورت سالىمشىنىڭ شوتتارىنان قولما-قول اقشا جىمقىرعان.

سالىمشىلار اقشانىڭ جوعالعانىن بايقاماۋى ءۇشىن كۇدىكتى اقشانى 30 مىڭ تەڭگەدەن ءبولىپ-ءبولىپ شەشىپ العان. جالپى العاندا، كۇدىكتى جابىرلەنۋشىلەردىڭ شوتىنان 1 ملن 300 مىڭ تەڭگە كولەمىندە اقشانى يەمدەنگەن. ۇرلانعان اقشانى جىگىت بۋكمەكەرلىك كەڭسەلەردەگى قۇمار ويىنعا تىككەن.

بارلىق فاكتىلەر نەگىزىندە قر قك 188-بابى 3-بولىگى (ۇرلىق) بويىنشا سوتقا دەيىنگى تەرگەۋ جۇرگىزىلۋدە.

«ادىرنا» ۇلتتىق پورتالى

پىكىرلەر