ورتەنىپ جاتىر: اقش-تا مىڭنان استام گەكتار جەردى جالىن جالمادى

2891
Adyrna.kz Telegram

امەريكانىڭ اريزونا شتاتىنىڭ شىعىسىندا ورمان ورتەنىپ، 24 مىڭ گەكتاردان استام اۋماقتى شارپىدى، دەپ حابارلايدى "ادىرنا" ۇلتتىق پورتالى California News Times-قا سىلتەمە جاساپ.

InciWeb ۇلتتىق سەرۆيسىنىڭ حابارلاۋىنشا، شتات بويىنشا ەكى ءىرى ءورت تىركەلدى. ولاردىڭ ءبىرى فەنيكستەن 100 شاقىرىم شىعىسقا قاراي جارىلدى. قازىرگى ۋاقىتتا ءورت 14 مىڭ گەكتارعا جۋىق اۋماقتى قامتىدى.

تاعى ءبىر ءىرى ءورت فەنيكستەن شىعىسقا قاراي 190 شاقىرىم جەردە ورنالاسقان مەسكال تاۋلارىنىڭ ەتەگىندە بولدى. ونىڭ اۋدانى شامامەن 10 مىڭ گا قۇرايدى. ءورت شامامەن بەس مىڭ ادام تۇراتىن ەل-كاپيتان اۋىلىنا جاقىنداپ كەلەدى. قالا بيلىگى تۇرعىنداردى ەۆاكۋاتسيالاۋ تۋرالى ەسكەرتتى.

ءورت سالدارىنان قازا بولعاندار مەن زارداپ شەككەندەر جوق. شەنەۋنىكتەردىڭ ايتۋىنشا، ءورتتىڭ شىعۋىنا ايماقتاعى قۇرعاقشىلىق سەبەپ بولۋى مۇمكىن، ال جەلدى اۋا-رايى تەك ءورتتىڭ تارالۋىنا ىقپال ەتتى.

"ادىرنا" ۇلتتىق پورتالى

پىكىرلەر