659
Adyrna.kz Telegram
كەشە شاردارا اۋدانىندا بولىپ، قۇرعاقشىلىقتان شاڭى شىعىپ قۇلازىعان دالانى كوردىم. تىستەرگە ءشوپ تاپپاي 40 گرادۋس ىستىقتا دالا كەزىپ، اياقتارىن ءسىلبىپ باسقان "كوتەرەم" قويلاردىڭ كوشىن كوردىم.
قابىرعالارى ىرسىيىپ-ىرسىيىپ كەتكەن جىلقىلار ءجۇر.
ال، ءشوپتى تىلىمەن جەيتىن سيىرلاردى مۇلدەم كورمەدىم. ويتكەنى، تىلمەن وراپ جەيتىن ءشوپ تۇگىلى، تىسىمەن تارتىپ جەيتىن ءشوپ جوق دالادا.
جانىمداعى شاردارانىڭ جىگىتتەرىنىڭ ايتۋىنشا، ءدال قازىر مالدىڭ باسى جارتى باعاسىنا ارزانداپ كەتكەن. ويتكەنى، "ولەتىن كۇنى ساناۋلى" ارىق مالدى الاتىن ادام جوق. ساتپاسا، اسىرايتىن ءشوبى جوق.
نەشە جىل تەر توگىپ جيناعان مالدارىن بولماشى اقشاعا ساتىپ، بارىنان ايرىلعىسى كەلمەگەن شارۋالار، قۇدايعا امانات ەتىپ ۇمىتتەنگەننەن باسقا امالدارى جوق. ونىڭ ۇستىنە مۇنداي شاڭ جۇتىپ، ىستىققا قاتالاعان ارىق مالداردىڭ بولاشاقتا وڭالىپ كەتۋى قيىن. ويتكەنى، ءبىر-ەكى ايدا "وكپە" اۋىراۋىنا ۇشىراپ، قىستان امان شىعۋلارى ەكىتالاي. سوندىقتان، وزگە جاقتىڭ مال الۋشىلارى دا وسىنى ەسكەرىپ، بۇل جاقتىڭ مالدارىن الۋعا قۇلىقسىز دەيدى.
بۇل ءالى جاز ايى باستالماي جاتقانداعى احۋالى وسىنداي. ەرتەڭ شىلدە ءتۇسىپ، كۇز بولعانشا نە بولماق؟
ال، قىستا شە؟
ءوزىمنىڭ تولەبي اۋدانىمدا پرەستەلگەن ءشوپتىڭ ءبىر داناسىنىڭ باعاسى 800-1000ت-ءنىڭ اراسىندا ساتىلۋدا. بىلتىر 500-600 ت ارالىعىندا بولعان. ياعني، ءارتۇرلى فاكتورلاردىڭ اسەرىنەن بيىل 30-40%-دىڭ ۇستىندە قىمباتتاعان. ال، باعانى رەتتەۋگە، شارۋالارعا باعا ماسەلەسىندە شەكتەۋلەردى ەشكىم قويا المايدى. ويتكەنى، ەركىن نارىق زاڭى بويىنشا باعانى سۇرانىس بەلگىلەيدى.
ءارى، شارۋالارعا ءشوپتىڭ باعاسىن بەلگىلەۋدە ۇكىمەتتىڭ ولارعا مىندەت قىلار ەشتەڭەسى جوق. ەشكىمنىڭ كومەگىنسىز ءوزى وسىرگەن ءشوبىن، ءوزىنىڭ قالاۋىنشا سۇرانىسقا بايلانىستى ءوز باعاسىن قويىپ ساتۋعا شارۋالار تولىق حاقىلى.
وسى ورايدا بىرنەشە زاڭدى سۇراق تۋىندايدى.
1) مال ازىعىن دايىنداۋمەن اينالىساتىن شارۋالاردى سۋبسيديامەن قامتاماسىز ەتۋ قانشالىقتى جۇيەلەنگەن؟
2) قانشا قارجى، قايدا ءبولىنىپ وتىر؟
3) اش مينيستىرلىگى مىنا جۇتتان شارۋالاردى قالاي الىپ شىقپاقشى؟!
("بيۋدجەتتەن اقشا ءبولىپ ءار اۋداندا قۇرباندىققا مال سويىپ، قۇدايدان جاڭبىر تىلەيىك!" دەمەيتىن شىعارسىزدار. ويتكەنى، ءار وڭىردە ونداي جورالعىلار جاسالىپ قويدى. ءۇمىت وزدەرىڭىزدە.)
رەسپۋبليكالىق انتيكوردىڭ جاڭا باسشىسىنىڭ مالىمدەۋى بويىنشا، اش سالاسىنا بولىنگەن سۋبسيديالاردىڭ 54%-ى زاڭسىز راسىمدەلگەن ەكەن.
ياعني، اش سالاسىنا بولىنگەن سۋبسيديالاردىڭ جارتىسىنان استامى، "جوق شارۋاشىلىقتارعا" ءبولىنىپ كەتكەن دەۋگە تولىق نەگىز بار.
مال ءبىر جۇتتىق دەگەن وسى!
جۇت كەلگەندە تىستەرگە ءشوپ تاپپاي قاڭعىرعان مال مەن ءشوپتىڭ باعاسىنىڭ شارىقتاۋىنا بايلانىستى شاردارا اۋداندىق اۋىلشارۋاشىلىق ءبولىمى مەن تۇركىستان وبلىسى اۋىل شارۋاشىلىعى باسقارماسى
قر اۋىل شارۋاشىلىعى مينيسترلىگى / مينيستەرستۆو سەلسكوگو حوزيايستۆا رك بۇل ماسەلەنى شەشۋدىڭ قانداي جولدارىن قاراستىرىپ جاتقانىن بىلگىم كەلەدى.
سوندىقتان، Nurlan Alimbaev باۋىم!
ءوزىڭنىڭ شاردارا اۋدانىنىڭ قۇرمەتتى ازاماتى، بىلىكتى جۋرناليست ەكەنىڭدى بىلەمىن.
ۋاقىت تاپساڭ وسى ماسەلەنى بىرلەسە زەرتتەپ، ارنايى ماتەريال دايىنداۋعا قالاي قارايسىڭ؟
وسى ماسەلەنى "اشىق الاڭدا" تالقىلاۋدى ۇسىنامىن.
قر پرەمەر-ءمينيسترى رەسمي سايتى
پىكىرلەر