اباي اۋدانىندا جالپى 34 ەلدى مەكەن بولسا، ونىڭ بۇگىنگى كۇنگە 24-ءى اۋىز سۋمەن قامتىلعان. ياعني، تۇرعىنداردىڭ 71% ساپالى اۋىز سۋمەن قامتىلىپ وتىر. بۇل تۋرالى اۋدان اكىمى ب.پارمانوۆ قالا اكىمدىگىنىڭ «Instagram» جانە Facebook پاراقشاسىندا وتكەن تىكەلەي ەفيردە مالىمدەدى.
ونىڭ ايتۋىنشا، ۇڭعىما جانە تاسىمالدى اۋىز سۋ پايدالانىپ وتىرعان 10 ەلدى مەكەننىڭ 8-دە بيىل اۋىز سۋ قۇرىلىسى جۇرگىزىلىپ، ناتيجەسىندە 25 مىڭعا جۋىق تۇرعىن تازا سۋمەن قامتىلادى. ونىڭ ىشىندە 4 ەلدى مەكەننىڭ تۇرعىندارىنا اۋىز سۋ جۇيەلەرىن قوسۋ جۇمىستارى جۇرگىزىلۋدە. اتاپ ايتقاندا: «يگىلىك»، «قىزىلجار»، «كوكبۇلاق»، «تاۋەلسىزدىككە 20 جىل». قالعان 4 ەلدى مەكەننىڭ ياعني، «جاڭاتالاپ»، «ىنتىماق-2»، «جاڭا تۇرلان»، «سولتۇستىك ساياجاي» (نۇرشۋاق) قۇرىلىس جۇمىستارى 2021 جىلى اياقتالادى.
كەلەر جىلعا وتپەلى ەكى ەلدى مەكەننىڭ (اقتاس-2, قۇرساي) جسق-ن دايىنداۋعا - 48,6 ملن. تەڭگە ءبولىنىپ، «ۇلماد» جشس تاراپىنان جوبا دايىندالدى. 2021 جىلى قۇرىلىس جۇمىستارىن جۇرگىزۋ جوسپارلانۋدا.
ءبىر ساعاتقا سوزىلعان تىكەلەي ەفيردى 1500-نان استام قالا تۇرعىندارى قارادى. وسى ۋاقىت ىشىندە اۋدان تۇرعىندارى تاراپىنان اۋىز سۋ، گازبەن قامتۋ، ساپالى ەلەكترمەن قامتۋ جانە جول مەن قوعامدىق كولىك ماسەلەسىنە قاتىستى 100 دەن استام سۇراقتار كەلىپ ءتۇستى. اۋدان اكىمى ساۋالداردىڭ كوپشىلىگىنە تولىق جاۋاپ بەرىپ ءوتتى.
شىمكەنت قالاسى اكىمدىگىنىڭ ءباسپاسوز قىزمەتى
