1992 جىلدىڭ 4 ماۋسىمى - قازاق حالقى ءۇشىن ماڭىزدى كۇن. ءدال وسى كۇنى بۇكىل الەم تاۋەلسىز، ازات ەكەنىمىزدى مويىنداپ، قازاق ەلىنىڭ رامىزدەرى قابىلداندى.
بەيبىت كۇنگە جەتۋدى اڭساعان بابالاردىڭ ەرلىگى ەشقاشان ۇمىتىلماق ەمەس. تاريح بەتتەرىن قارار بولساڭىز دا، وسى ازاتتىقتى ءھام بەيبىتشىلىكتى بىزگە سىيلاۋ ءۇشىن قانشا قان مەن تەر توگىلدى. ال ءبىز سونى باعالاپ ءجۇرمىز بە؟
2007 جىلى 4 ماۋسىمدا ەلباسىمىز ن. ءا.نازارباەۆ «قر مەملەكەتتىك رامىزدەرى تۋرالى» كونستيتۋتسيالىق زاڭعا قول قويىپ، مەملكەتتىك رامىزدەردىڭ قولدانۋ اياسىن ناقتىلاپ بەرگەن ەدى.
سودان بەرى قانشا جىل وتسە دە، ءوزىمىزدىڭ ۇلتتىق رامىزدەرىمىزگە ءوزىمىز سىيلاستىق تانىتا الماي كەلەمىز. قانشاما وليمپيادالىق ويىنداردا ەسكى ءانۇران قوسىلىپ، ال ەندى بىرىندە ءوز ءانۇرانىمىزدى بىلمەي تۇرعان سپورتشىلاردى دا كوردىك. ماسەلەن، 2015 جىلى حورۆاتيادا وتكەن ءتۋرنيردىڭ ماراپاتتاۋ راسىمىندە قازاقستان ءانۇرانى دۇرىس قويىلمادى. ءتىپتى كەيبىر وليمپيادا دا ءانۇراننىڭ ورنىنا قازاق ۇلتىن ماسقارالايتىن بورات اتتى كينوداعى مۋزىكانىڭ قوسىلىپ كەتۋى كوپتىڭ اشۋىنا ءتيدى. وتكەن جىلدىڭ وزىندە ءىش كيىمىنە قازاقتىڭ تۋىن بەينەلەپ، الەۋمەتتىك جەلىدە شامىمىزعا تيگەن تاعى ءبىر ەسسىزدىڭ قىلىعىنا كۋا بولدىق. جەلىدە اۋستراليانىڭ بونداي بيچ جاعاجايىندا تۇسىرىلگەن فلەشموبقا بايلانىستى ۆيدەو تاراپ، حالىق ابدەن اشۋلاندى. بيلىكتەن سول كەزدە دە ەشقانداي ءىس- قيمىل بولعان جوق. بىراق وليمپيادالىق ويىنداردا بايقايتىنىمىز، ءانۇران بىزدىكى ەمەس، وزگە مەملەكەتتىكى بولسا دا ءۇنسىز تۇرا بەرەتىن سپورتشىلار تاڭقالدىرادى. سوندىقتان حالىقتىڭ اراسىندا دۇرىس تۇسىنىك قالىپتاستىرۋ كەرەك. سەبەبى سپورتشى دا، دەپۋتاتتا، ءانشى دە، اكىمدە حالىقتىڭ ىشىنەن شىعادى. ءبىز ءالى ءوز رامىزدەرىمىزدىڭ اۆتورلارىن تولىق بىلمەيمىز. رامىزدەردى قۇرمەتتەۋ قازاق حالقىنان باستاۋ السا دەيمىن.
وزگە ەلدە ءوز تۋىمىزدىڭ اسقاقتاپ تۇرعانىن كورسەك، ءانۇرانىمىز شىرقالسا كەۋدەمىزدە قۋانىش كەرنەيتىنى انىق. ەگەر ءبىز ءوزىمىزدى وزگە ۇلتتار سىيلاعانىن قالاساق، الدىمەن ءبىز ءوزىمىزدى ۇلتىمىز بەن ءدىنىمىزدى، سالت- ءداستۇرىمىزدى سىيلاپ ۇيرەنگەنىمىز ابزال.
