قازاقتا ءتىل-كوز تيۋ دەگەن ۇعىم بار. اسىرەسە، ساحنادا، كوپشىلىك نازارىندا جۇرگەن جاندار كوپ اۋىرادى. ولاردى سىرتىنان دۋالايتىن قارا نيەتتى جاندار دا كەزدەسەدى. ءانشى روزا القوجانىڭ دا دۋانىڭ اسەرىنەن ەس-ءتۇسىن بىلمەي اۋىرعان كەزى بولعان.
بۇل تۋرالى نتك Show باعدارلاماسىندا ايتىلدى.
ءالجاپپار القوجا حالىق نازارىندا جۇرگەن انشىلەرگە كوپ كوز تيەدى دەگەندى ايتتى. ءتىپتى ءوز باسىنان ونداي جاعدايلار كوپ وتەدى. سوندىقتان ادام كوزى تۇسەتىن زاتتاردى تاعىپ جۇرۋگە تىرىسادى.
«مەن كونتسەرتكە شىعار الدىندا، ساحنادا تۇرعاندا كوپ تۇيمەم تۇسەدى. شالبارىم جىرتىلادى، كيىمدەرىم جىرتىلادى. سونداي جاعداي كوپ بولادى. وندايدا مەن قۋانامىن. كوزدى الىپ ءتۇستى دەپ ەسەپتەيمىن. ەگەر ونداي بولماسا، مەن اۋىرامىن. سوسىن تازالانىپ، دەم سالىپ قالپىما كەلەمىن. تۇيمەنى جاڭا قاداپ قويعاندا دا ساحنادا تۇرىپ ءتۇسىپ قالعان كەزدەر بولدى. ءار ءتۇرلى ادام بولادى. بىرەۋدىڭ سۇعاناعى بولادى دەيدى. بىرەۋدىڭ كوزى وتكىر بولادى. ءبىرىنىڭ ءتىلى تيەدى. سوندىقتان كۇمىس جۇزىك دەگەن سەكىلدى زاتتار تاعىپ جۇرەمىن. كەيبىر يمامدار ايتادى. بۇل اللاعا سەرىك قوسۋ دەپ. ءتىل-كوز دەگەن قازاقتا بار عوي. پايعامبار زامانىندا بولعان. مەن وزىمە سۇرەلەردى ايتىپ دەم سالىپ جۇرەمىن»، – دەدى ءانشى.
ايتۋىنشا، اپكەسى روزا القوجا دۋانىڭ كەسىرىنەن اۋىرىپ، ەسىنەن ايىرىلعان ەكەن.
«روزا اپكەم دە قارا ماگيانىڭ اسەرىنەن اۋىردى. سىرتىنان وقىتقاندار بولدى. ينە قاداپ كەتكەن. پىشاق تاستاپ كەتكەن. ونىڭ ءبارىن كەيىن بىلدىك. قاتتى اۋىردى. قىرسىعىپ، سوزگە كەلمەي ەسىنەن تاندى. كەيىن مولدالارعا اپاردىق. سولاي تازالاندى. دۋا دەگەن بار عوي. بارىنا سەنەمىن. پايعامبار زامانىندا دا دۋالاۋشىلار بولعان. سوندىقتان سۇرەلەر سول ۋاقىتتاردا كەلگەن. سۇرە ايتىپ، ءتىل-كوزدەن ساقتانىپ ءجۇرۋ كەرەك»، – دەدى القوجا.
