Qazaqta tıl-köz tiiu degen ūǧym bar. Äsırese, sahnada, köpşılık nazarynda jürgen jandar köp auyrady. Olardy syrtynan dualaityn qara niettı jandar da kezdesedı. Änşı Roza Älqojanyŋ da duanyŋ äserınen es-tüsın bılmei auyrǧan kezı bolǧan.
Būl turaly NTK Show baǧdarlamasynda aityldy.
Äljappar Älqoja halyq nazarynda jürgen änşılerge köp köz tiedı degendı aitty. Tıptı öz basynan ondai jaǧdailar köp ötedı. Sondyqtan adam közı tüsetın zattardy taǧyp jüruge tyrysady.
«Men konsertke şyǧar aldynda, sahnada tūrǧanda köp tüimem tüsedı. Şalbarym jyrtylady, kiımderım jyrtylady. Sondai jaǧdai köp bolady. Ondaida men quanamyn. Közdı alyp tüstı dep esepteimın. Eger ondai bolmasa, men auyramyn. Sosyn tazalanyp, dem salyp qalpyma kelemın. Tüimenı jaŋa qadap qoiǧanda da sahnada tūryp tüsıp qalǧan kezder boldy. Är türlı adam bolady. Bıreudıŋ sūǧanaǧy bolady deidı. Bıreudıŋ közı ötkır bolady. Bırınıŋ tılı tiedı. Sondyqtan kümıs jüzık degen sekıldı zattar taǧyp jüremın. Keibır imamdar aitady. Būl Allaǧa serık qosu dep. Tıl-köz degen qazaqta bar ǧoi. Paiǧambar zamanynda bolǧan. Men özıme sürelerdı aityp dem salyp jüremın», – dedı änşı.Aituynşa, äpkesı Roza Älqoja duanyŋ kesırınen auyryp, esınen aiyrylǧan eken.
«Roza äpkem de qara magiianyŋ äserınen auyrdy. Syrtynan oqytqandar boldy. İne qadap ketken. Pyşaq tastap ketken. Onyŋ bärın keiın bıldık. Qatty auyrdy. Qyrsyǧyp, sözge kelmei esınen tandy. Keiın moldalarǧa apardyq. Solai tazalandy. Dua degen bar ǧoi. Baryna senemın. Paiǧambar zamanynda da dualauşylar bolǧan. Sondyqtan süreler sol uaqyttarda kelgen. Süre aityp, tıl-közden saqtanyp jüru kerek», – dedı Älqoja.
Ūqsas jaŋalyqtar
