Qazaqta til-kóz tııý degen uǵym bar. Ásirese, sahnada, kópshilik nazarynda júrgen jandar kóp aýyrady. Olardy syrtynan dýalaıtyn qara nıetti jandar da kezdesedi. Ánshi Roza Álqojanyń da dýanyń áserinen es-túsin bilmeı aýyrǵan kezi bolǵan.
Bul týraly NTK Show baǵdarlamasynda aıtyldy.
Áljappar Álqoja halyq nazarynda júrgen ánshilerge kóp kóz tıedi degendi aıtty. Tipti óz basynan ondaı jaǵdaılar kóp ótedi. Sondyqtan adam kózi túsetin zattardy taǵyp júrýge tyrysady.
«Men konertke shyǵar aldynda, sahnada turǵanda kóp túımem túsedi. Shalbarym jyrtylady, kıimderim jyrtylady. Sondaı jaǵdaı kóp bolady. Ondaıda men qýanamyn. Kózdi alyp tústi dep esepteımin. Eger ondaı bolmasa, men aýyramyn. Sosyn tazalanyp, dem salyp qalpyma kelemin. Túımeni jańa qadap qoıǵanda da sahnada turyp túsip qalǵan kezder boldy. Ár túrli adam bolady. Bireýdiń suǵanaǵy bolady deıdi. Bireýdiń kózi ótkir bolady. Biriniń tili tıedi. Sondyqtan kúmis júzik degen sekildi zattar taǵyp júremin. Keıbir ımamdar aıtady. Bul Allaǵa serik qosý dep. Til-kóz degen qazaqta bar ǵoı. Paıǵambar zamanynda bolǵan. Men ózime súrelerdi aıtyp dem salyp júremin», – dedi ánshi.
Aıtýynsha, ápkesi Roza Álqoja dýanyń kesirinen aýyryp, esinen aıyrylǵan eken.
«Roza ápkem de qara magııanyń áserinen aýyrdy. Syrtynan oqytqandar boldy. Ine qadap ketken. Pyshaq tastap ketken. Onyń bárin keıin bildik. Qatty aýyrdy. Qyrsyǵyp, sózge kelmeı esinen tandy. Keıin moldalarǵa apardyq. Solaı tazalandy. Dýa degen bar ǵoı. Baryna senemin. Paıǵambar zamanynda da dýalaýshylar bolǵan. Sondyqtan súreler sol ýaqyttarda kelgen. Súre aıtyp, til-kózden saqtanyp júrý kerek», – dedi Álqoja.
