ورتالىق افريكا رەسپۋبليكاسىنداعى جارىلىس سالدارىنان ءۇش رەسەيلىك قازا تاپتى. جەرگىلىكتى مەديتسينالىق اقپارات كوزدەرىنىڭ حابارلاۋىنشا، جارىلىس ەلدىڭ سولتۇستىك-باتىسىندا ورنالاسقان بانديبا اۋىلىندا بولعان.
ەكى پوليتسيا ماشيناسى جولدا ورناتىلعان ميناعا ءتۇسىپ قالعان. جارتسىلىستان بەس ادام قازا تاپقان، ونىڭ ىشىندە ءۇش رەسەي ازاماتى جانە ەكى وار پوليتسيا قىزمەتكەرى بار. تاعى بەس جولاۋشى جاراقات الىپ، اۋرۋحانالارعا جەتكىزىلگەن.
جەلتوقسان ايىنىڭ سوڭىندا وار-دا پارلامەنتتىك سايلاۋدىڭ ءبىرىنشى كەزەڭى مەن قازىرگى مەملەكەت باسشىسى فاۋستين ارمەنس توۋادەرا جەڭىمپاز دەپ تابىلعان پرەزيدەنتتىك سايلاۋلار ءوتتى. وپپوزيتسيا مەن قارۋلى توپتار سايلاۋ ناتيجەسىن مويىندامادى. ۇكىمەت كوتەرىلىسشىلەردىڭ ەل استاناسى بانگيگە شابۋىل جاساماق بولعان ارەكەتتەرى تۋرالى حابارلادى. وار ورگاندارىنىڭ تالابى بويىنشا رەسەي وار-عا جەرگىلىكتى اسكەري كادرلاردى دايارلاۋ ءۇشىن قوسىمشا 300 نۇسقاۋشى جىبەردى. قازىرگى تاڭدا ولار ەل استاناسىن قورعاۋ مەن كوتەرىلىسشىلەر قولىنداعى ايماقتاردى ازات ەتۋ وپەراتسيالارىنا قاتىسۋدا.
"ادىرنا" ۇلتتىق پورتالى
