قاراقالپاقستاننىڭ استاناسى نۇكىستە 27 مامىردا ءبىر توپ نارازىلىق بىلدىرۋشىلەر ا.دۋسنازاروۆ كوشەسىندەگى جولدى جاۋىپ تاستادى. نارازىلىققا بارلىعى 30-دان استام ادام شىققان.
نۇكىس اكىمشىلىگىنىڭ ءباسپاسوز قىزمەتىنىڭ حابارلاۋىنشا نارازىلىققا زەينەتاقىنى 25 مامىردا ەمەس، 27 مامىردا بەرۋگە قاتىستى شەشىم شىعارۋى سەبەپ بولعان. زەينەتاقىنى بەرۋدى باسقا كۇنگە اۋىستىرۋدىڭ باستى سەبەبى "الەۋمەتتىك قامسىزداندىرۋدىڭ ورتاق ءتىزىمى" جۇيەسىنىڭ ىستەن شىعۋىنا بايلانىستى.
نۇكىس اكىمشلىگى بارلىق تەحنيكالىق ماسەلەلەر سول كۇنى شەشىلىپ، زەينەتاقى بەرىلگەنىن جەتكىزگەن.
"ادىرنا" ۇلتتىق پورتالى
