تۇركيا الەمدىك دەرجاۆالاردى ءوزىنىڭ العاشقى ۇشقىشسىز باسقارىلاتىن بومبالاۋشى ۇشاعىمەن سەسكەندىرۋگە كىرىستى. ۇشقىشسىز ۇشاتىن بومبالاۋشى ۇشاقتارىن تۇركيانىڭ تاۋەلسىزدىگىنىڭ 100 جىلدىعىنا بايلانىستى اۋە كەڭىستىگىنە ۇشىرماق. بۇل جايىندا تۇركيا باسشىسى رەدجەپ تايىپ ەردوعان پارلامەنت فراكتسيالارىنىڭ الدىندا 26 مامىر كۇنى رەسمي مالىمدەمە جاسادى. بۇل جايىندا Anadolu اقپاراتتىق اگەنتتىگى حابار تاراتتى.
تۇركيانىڭ كوشباسشىسى وتاندىق قورعانىس ءوندىرىسىنىڭ ىشىندە بومبالاۋشى دروندار (بپلا) مەن ۇشقىشسىز ۇشاتىن بومبالاۋشى ۇشاقتاردىڭ پەرسپەكتيۆاسىنا ەرەكشە توقتالدى.
ونىڭ ايتۋىنشا، الەمنىڭ ءتورت ەلىندە 180 Bayraktar TB2 اۋە قورعانىسىن قامتاماسىز ەتۋمەن اينالىسۋدا.
رەدجەپ تايىپ ەردوعان وزدەرىنىڭ وتاندىق قورعانىس سالاسىنىڭ جەتىستىگىن تەحنيكالىق پروگرەسس بويىنشا كەزەكتى جالپىۇلتتىق ينيتسياتيۆا دەپ اتاپ ءوتتى. جانە وتاندىق دروندارىنىڭ الداعى ۋاقىتتاعى پەرسپەكتيۆاسىنا دا توقتالدى.
تۇركيا الداعى ۋاقىتتا AKINCI كومپانياسىنىڭ ەڭ سوڭعى ونىمدەرىنىڭ تانىستىرىلىمىن جاساپ وتىر. بۇل كومپانيانىڭ ونىمدەرى Bayraktar TB2-دان دا قۋاتتى بولىپ شىعۋدا.
EADaily-ءدىڭ حابارلاۋىنشا، تۇركيا TF-X National Combat Aircraft (MMU) باعدارلاماسى اياسىندا TAI كومپانياسىمەن دە قورعانىس سالاسىنداعى بىرلەسكەن جوبالاردى ىسكە اسىرماق. الداعى ۋاقىتتا تۇركيانىڭ اتالعان باعدارلامالار اياسىندا ۇلتتىق مودەلدەگى بومبالاۋشى ءارى ۇشقىشسىز ۇشاقتارى شىعارىلماق.
بەكبولات قارجان،
"ادىرنا" ۇلتتىق پورتالى
