تۇركيا پرەزيدەنتى رەجەپ تايىپ ەردوعان 26 مامىردا ۇيىمداسقان قىلمىستىق سينديكاتتارمەن كۇرەسۋگە جانە مافيا باستىقتارىنا "ەلدەگى بەيبىتشىلىك پەن قاۋىپسىزدىك اتموسفەراسىنا قاۋىپ توندىرۋگە جول بەرمەيتىنىنە" ۋادە بەردى دەپ حابارلايدى Daily Sabah.
انكاراداعى بيلەۋشى ادىلەت جانە دامۋ پارتياسىنىڭ (اكپ) پارلامەنتتىك توبىنىڭ وتىرىسىندا سويلەگەن سوزىندە تۇرىك ليدەرى ىشكى ىستەر ءمينيسترى سۋلەيمان سويلۋدى ءبىراۋىزدان قولدايتىنىن جەتكىزدى. ىشكى ىستەر ءمينيسترى سوڭعى ۋاقىتتا قىلمىستىق الەم سەركەسى سەدات پەكەردىڭ ءىرى شەنەۋنىكتەر مەن ولاردىڭ تۋىستارىن جازعىرا ايتقان مالىمدەمەلەرىن ايىپتاعان بولاتىن.
"تۇركيا بۇل ارانداتۋلارعا قارسى تۇرىپ، مافيا باستىقتارىن ەلگە قايتارىپ، ولاردىڭ زاڭ اياسىنداعى جازاعا تارتادى. قىلمىسكەرلەر قاي ەلدە جۇرسە دە، ءبىز ولاردى باقىلاپ وتىرمىز" ، — دەدى ەردوعان.
"ادىرنا" ۇلتتىق پورتالى
