مەملەكەت باسشىسى اكىمدەر سايلاۋى تۋرالى زاڭعا قول قويدى

2172
Adyrna.kz Telegram

مەملەكەت باسشىسى قاسىم-جومارت توقاەۆ «قازاقستانداعى سايلاۋ تۋرالى» كونستيتۋتسيالىق زاڭعا اكىمدەردى سايلاۋدى ەنگىزۋ مەن بارلىق ۇمىتكەرگە قارسى داۋىس بەرۋدى قاراستىراتىن تۇزەتۋلەرگە قول قويدى، دەپ حابارلايدى «ادىرنا» ۇلتتىق پورتالى اقوردا سايتىنا سىلتەمە جاساپ.

ەنگىزىلگەن وزگەرىستەر:

- اۋداندىق ماڭىزى بار قالالار، اۋىلدار، كەنتتەر، اۋىلدىق وكرۋگتەر اكىمىنە ۇمتكەرلىك ۇسىنۋ: ءوزىن-ءوزى ۇسىنۋ ءتارتىبى ء(تيىستى قالادا نەمەسە اۋىلدىق وكرۋگتە تۇراتىن سايلاۋشىلاردىڭ كەمىندە ءبىر پايىزىنىڭ قولداۋ ءۇشىن قول جيناۋ ارقىلى); ساياسي پارتيالاردا ءوز مۇشەلەرى اراسىنان; ەگەر ۇسىنۋ مەرزىمىنىڭ سوڭىندا ەكىدەن كەم ۇمىتكەر ۇسىنىلعان جاعدايدا، اۋدان (وبلىستىق ماڭىزى بار قالا) اكىمى ۇمىتكەر ۇسىنادى.

- ۇمىتكەرلەرگە قويىلاتىن تالاپتار: قازاقستان ازاماتى; جاسى - 25 جاستان كىشى ەمەس; وسى لاۋازىمعا قويىلاتىن بىلىك تالاپتارى; بارلىق مەملەكەتتىك قىزمەتكەر ءۇشىن جالپى شەكتەۋلەر، مىسالى، سوتتىلىق، جۇمىسقا قابىلەتسىزدىك;

- ۇمىتكەردىڭ زاڭنامادا بەلگىلەنگەن ەڭ تومەن جالاقىنىڭ ءبىر ەسەلەنگەن مولشەرىندە سايلاۋ جارناسىن ەنگىزۋى;

- سايلاۋ 40 كۇن بۇرىن جاريالانادى، ال سايلاۋدىڭ ءوزى قازىرگى اكىمنىڭ وكىلەتتىك مەرزىمى اياقتالعانعا دەيىن 10 كۇن بۇرىن وتەدى. سايلاۋ ناۋقانىنىڭ مەرزىمى 30 كۇن;

- اۋىل اكىمدەرىنىڭ تىكەلەي سايلاۋىن قارجىلاندىرۋ جەرگىلىكتى بيۋدجەت ارقىلى جۇزەگە اسىرىلادى;

- ءماجىلىس سايلاۋى كەزىندە ساياسي پارتيالاردىڭ ءوتۋ شەگىن داۋىس بەرۋگە قاتىسقان سايلاۋشىلار داۋىسىنىڭ 7-دەن 5 پايىزىنا دەيىن تومەندەتۋ جونىندە نورمالار ەنگىزۋ.

- بارلىق دەڭگەيدەگى سايلاۋ بيۋللەتەندەرىنە "بارىنە قارسى" باعانىن ەنگىزۋ.

"ادىرنا" ۇلتتىق پورتالى

پىكىرلەر