الىس قاشىقتىققا ۇشاتىن تۋ-22م3 بومبالاۋشى ۇشاقتارى سيرياداعى رەسەيدىڭ حمەيميم اۆيابازاسىنا كەلىپ قوندى. بۇل تۋرالى 25 مامىردا رەسەي قورعانىس مينيسترلىگىنىڭ ءباسپاسوز قىزمەتى حابارلادى.
«مۇنداي تيپتەگى اۋە ۇشاقتارى العاش رەت حمەيميم اەرودرومىنا كەلىپ قوندى. ۇزاق قاشىقتىققا ۇشاتىن بومبالاۋشى ەكيپاجدارى جەرورتا تەڭىزى ۇستىندەگى اۋە كەڭىستىگىندە جاڭا گەوگرافيالىق اۋدانداردا جاتتىعۋ تاپسىرمالارىن ورىنداۋدا پراكتيكالىق داعدىلارعا يە بولادى»، - دەلىنگەن حابارلامادا.
رەسەي فەدەراتسياسىنىڭ قورعانىس مينيسترلىگى جاتتىعۋ اياقتالعاننان كەيىن ۇشاقتار رەسەيدەگى اسكەري بازاعا قايتىپ ورالاتىنىن جەتكىزدى. دەپارتامەنتتىڭ حابارلاۋىنشا، سيرياداعى اۋەجايدا ەكىنشى ۇشۋ-قونۋ جولاعىن قايتا سالىنىپ، قازىرگى ۋاقىتتا بارلىق تيپتەگى ۇشاقتاردى قابىلداي الاتىن مۇمكىندىككە يە كورىنەدى.
"ادىرنا" ۇلتتىق پورتالى
