تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترىنىڭ ورىنباسارى اسەت تۇرىسوۆ Ashyq جۇمىسىنىڭ ۋاقىتشا ىستەن شىققانى ءۇشىن كەشىرىم سۇرادى، دەپ حابارلايدى "ادىرنا" ۇلتتىق پورتالى.
«Ashyq-تا بولعان سوڭعى كۇندەردەگى اقاۋلار، تەحنيكالىق پروبلەمالارعا قاتىستى. مەن ازاماتتارعا قولايسىزدىق تۋىنداعانى ءۇشىن جانە تەحنيكالىق مساەلەلەر ءۇشىن كەشىرىم سۇراعىم كەلەدى. جوعارىدا ايتقانىمداي، مەملەكەت Ashyq جۇيەسىن قابىلدادى. سوڭعى كۇندەرى "ۇلتتىق اقپاراتتىق تەحنولوگيالار" وپەراتورىنا تولىق قولداۋ مەن بەيىمدەلۋگە كوشۋ ورىن الدى. ەندى ءبىزدىڭ ۇلتتىق وپەراتور تەحنيكالىق ماسەلەلەردى قاداعالايتىن بولادى. جوعارى ساناتتاعى بارلىق ماماندار قىزمەتتەردىڭ تۇراقتىلىعىن قامتاماسىز ەتەدى دەپ ويلايمىن »، دەدى اسەت تۇرىسوۆ جەلىدەگى وكق بريفينگىندە.
20 مامىردان باستاپ Ashyq قوسىمشاسى ازاماتتاردىڭ ستاتۋسىن انىقتاۋدا تەحنيكالىق ماسەلەلەرگە تاپ بولدى. اجىراتۋ كەزىندە پايدالانۋشىلارعا مەكەمەگە بارۋدىڭ بالاما ءتاسىلى رەتىندە - Aitu قوسىمشاسى جەدەل تۇردە ۇسىنىلدى. 22 مامىردا تاعى دا قوسىمشا مارتەبەنى شىعارۋمەن بايلانىستى پروبلەمالارعا تاپ بولدى.
قازاقستاننىڭ باس مەملەكەتتىك سانيتارلىق دارىگەرى جاڭا قاۋلى شىعاردىن. وندا Ashyq جوباسىن ىسكە اسىرۋ قازاقستاننىڭ بارلىق ايماقتارىنا كەڭەيتىلەتىن بولادى دەلىنگەن.
"ادىرنا" ۇلتتىق پورتالى
