بۇگىن حالىقارالىق تۇركى اكادەمياسى الماتى قالاسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ ءال-فارابي كىتاپحاناسىندا «عالىم تەلعوجا جانۇزاق جانە ونوماستيكا ماسەلەلەرى» اتتى جيىن وتكىزدى.
ءال-فارابي كىتاپحاناسىندا وتكەن شاراعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، بەلگىلى تۇركولوگ، قر مەملەكەتتىك سىيلىعىنىڭ يەگەرى، پروفەسسور تەلعوجا جانۇزاق، ءال-فارابي اتىنداعى قازۇۋ الەۋمەتتىك دامۋ جونىندەگى پرورەكتور ءاليا ماساليموۆا، قازۇۋ اباي عىلىمي-زەرتتەۋ ينستيتۋتىنىڭ ديرەكتورى جانعارا دادەباەۆ، ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا، تانىمال عالىمدار ءالىمحان جۇنىسبەك، دانداي ىسقاقوۆ، رۇستەمبەك شويبەكوۆ، سونداي-اق زيالى قاۋىم وكىلدەرى قاتىستى.
القالى جيىن بارىسىندا حالىقارالىق تۇركى اكادەمياسى ازىرلەگەن تەلعوجا جانۇزاقتىڭ «قازاق ونوماستيكاسى» اتتى 5 تومدىق ەڭبەگىنىڭ تۇساۋكەسەر ءراسىمى جاسالىپ، وقىرمانعا جول تارتتى. ىرگەلى عىلىمي ەڭبەك وتاندىق ونوماستيكا عىلىمى سالاسىنىڭ ماسەلەلەرىن جان-جاقتى قامتىعان تولىققاندى جيناق بولۋىمەن ەرەكشەلەنەدى. سونداي-اق، كىتاپتاردا عالىمنىڭ ءار-جىلداردا جازعان ەڭبەكتەرى جاڭا رەداكتسيادا ۇسىنىلىپ وتىر.
ايتا كەتۋ كەرەك، قازاق ونوماستيكا سالاسىنىڭ كورنەكتى وكىلى، فيلولوگيا عىلىمدارىنىڭ دوكتورى تەلعوجا جانۇزاق بيىل 94 جاسقا تولىپ وتىر. باسقوسۋعا جينالعاندار عالىمدى مەرەيلى جاسىمەن قۇتتىقتاپ، ىزگى نيەتتەرىن ءبىلدىردى.
كەلەلى كەڭەسكە ونلاين جەلى ارقىلى دا ەلىمىزدىڭ ءار وڭىرىنەن وقىتۋشى عالىمدار مەن زيالى قاۋىم وكىلدەرى قاتىسىپ وتىردى.
حالىقارالىق تۇركى اكادەمياسىنىڭ
ءباسپاسوز قىزمەتى
ITApressa@gmail.com
+7 705 114 79 78
