Telǵoja Januzaqtyń «Qazaq onomastıkasy» 5 tomdyǵy jaryq kórdi

4761
Adyrna.kz Telegram

Búgin Halyqaralyq Túrki akademııasy Almaty qalasynda ál-Farabı atyndaǵy Qazaq ulttyq ýnıversıtetiniń ál-Farabı kitaphanasynda «Ǵalym Telǵoja Januzaq jáne onomastıka  máseleleri» atty  jıyn ótkizdi.

Ál-Farabı kitaphanasynda ótken sharaǵa Halyqaralyq Túrki akademııasynyń prezıdenti Darhan Qydyráli, belgili túrkolog, QR Memlekettik syılyǵynyń ıegeri, professor Telǵoja Januzaq, Ál-Farabı atyndaǵy QazUÝ Áleýmettik damý jónindegi prorektor Álııa Masalımova, QazUÝ Abaı ǵylymı-zertteý ınstıtýtynyń dırektory Janǵara Dádebaev, A.Baıtursynov atyndaǵy Til bilimi ınstıtýtynyń dırektory Anar Fazyljanova, tanymal ǵalymdar Álimhan Júnisbek, Dandaı Ysqaqov, Rústembek Shoıbekov, sondaı-aq zııaly qaýym ókilderi qatysty.

Alqaly jıyn barysynda Halyqaralyq Túrki akademııasy ázirlegen Telǵoja Januzaqtyń «Qazaq onomastıkasy» atty 5 tomdyq eńbeginiń tusaýkeser rásimi jasalyp, oqyrmanǵa jol tartty. Irgeli ǵylymı eńbek otandyq onomastıka ǵylymy salasynyń máselelerin jan-jaqty qamtyǵan tolyqqandy jınaq bolýymen erekshelenedi. Sondaı-aq, kitaptarda ǵalymnyń ár-jyldarda jazǵan eńbekteri jańa redakııada usynylyp otyr.

Aıta ketý kerek, qazaq onomastıka salasynyń kórnekti ókili, fılologııa ǵylymdarynyń doktory Telǵoja Januzaq bıyl 94 jasqa tolyp otyr. Basqosýǵa jınalǵandar ǵalymdy mereıli jasymen quttyqtap, izgi nıetterin bildirdi.

Keleli keńeske onlaın jeli arqyly da elimizdiń ár óńirinen oqytýshy ǵalymdar men zııaly qaýym ókilderi qatysyp otyrdy.

 

Halyqaralyq Túrki akademııasynyń

Baspasóz qyzmeti

ITApressa@gmail.com

+7 705 114 79 78

Pikirler