10 مەترگە ۇشىپ تۇسكەن: اۆتوبۋس قاققان ايەل وقيعا ورنىندا كوز جۇمدى

1700

الماتىدا جانگەلدين كوشەسىمەن سولتۇستىك باعىتتا كەلە جاتقان №208 قالالىق اۆتوبۋس 1975 جىلعى ايەلدى قاعىپ كەتتى، دەپ "ادىرنا" ۇلتتىق پورتالى zakon.kz-كە سىلتەپ حابارلايدى.

جۇرگىزۋشىنىڭ ايتۋىنشا، ايەل جاياۋ جۇرگىنشىلەر جولىنا كەنەتتەن شىققان.

جۇرگىزۋشى بىردەن توقتاۋعا ۇلگەرمەي، سوقتىعىسقان. سوققىنىڭ قاتتى بولعانى سونشالىق، ايەل وتكەلدەن 10 مەتردەن استام جەرگە ۇشىپ تۇسكەن. العان جاراقاتتارىنان ايەل سول جەردە قايتىس بولدى.

40 جىلدىق تاجىريبەسى بار جۇرگىزۋشى زەينەتكە شىعۋىنا 9 اي عانا ۋاقىت قالعانىن ايتتى.

جۇرگىزۋشىنىڭ ايتۋىنشا، ول 40-50 كم / ساع جىلدامدىقپەن قوزعالعان. وقيعا ورنىندا جول پوليتسياسى قىزمەتكەرلەرى مەن سوت-مەديتسينالىق ساراپشىسى جۇمىس ىستەدى، وقيعانىڭ ءمان-جايىن انىقتادى.

اپات كەزىندە اۆتوبۋس ىشىندە 3-4 ادام بولعان. تەجەۋ كەزىندە جولاۋشىلاردىڭ ەشقايسىسى زارداپ شەككەن جوق.

"ادىرنا" ۇلتتىق پورتالى

(فوتو: zakon.kz)

پىكىرلەر
ۇقساس جاڭالىقتار