الماتى وبلىسىندا Lexus كولىگىمەن سوقتىعىسقان موتوتسيكل جۇرگىزۋشىسى جانساقتاۋ بولىمىندە جاتىر، - دەپ حابارلايدى "ادىرنا" پورتالىنىڭ ءتىلشىسى.
الەۋمەتتىك جەلىدە 17 شىلدە كۇنى الماتى وبلىسىنىڭ گۇلدالا اۋىلىندا Lexus كولىگى، موتوتسيكل جانە اۆتوبۋستىڭ قاتىسۋىمەن بولعان جول اپاتىنىڭ ۆيدەوسى پايدا بولدى. كادرلاردا كولىكتەردىڭ اراسىندا كەلە جاتقان موتوتسيكلشىنىڭ Lexus جۇرگىزۋشىسىمەن سوقتىعىسىپ، جولدا قالاي قۇلاعانىن كورۋگە بولادى. ولاردىڭ ارتىنان كەلە جاتقان اۆتوبۋس قۇلاعان جۇرگىزۋشىنى اينالاپ وتپەك بولعانمەن جابىرلەنۋشى كقلىك استىندا قالدى. باسىلىم اۆتورىنىڭ حابارلاۋىنشا، قازىرگى ۋاقىتتا كوپتەگەن اۋىر جاراقاتتار العان موتوتسيكل جۇرگىزۋشىسى جانساقتاۋ بولىمىندە جاتىر. كولىك وقيعاعا بايلانىستى جاسىرىنىپ ۇلگەرگەن.
الماتى وبلىسىنىڭ پوليتسەيلەرى جول اپاتىنىڭ ءمان-جايىن انىقتاپ جاتقانىن حابارلادى.
"اتالعان اقپاراتقا سايكەس، اتالعان كولىك جۇرگىزۋشىسىنىڭ تۇرعان جەرىن انىقتاۋ بويىنشا جەدەل-ىزدەستىرۋ جۇمىستارى جۇرگىزىلىپ جاتقانىن حابارلايمىز. ناتيجەسىندە قۇقىق بۇزۋشى قولدانىستاعى زاڭنامادا كوزدەلگەن جاۋاپكەرشىلىككە تارتىلادى. باسقا دا مالىمەتتەر قوسىمشا ەسكەرتىلەدى»، - دەدى پوليتسيا.
الماتىنىڭ كوپسالالى كلينيكالىق اۋرۋحاناسى جاراقات العان موتوتسيكل جۇرگىزۋىشسىنىڭ جانساقتاۋ بولىمىندە جاتقانىن حابارلادى.
