«QazVac» ۆيرۋستىڭ مۋتاتسيالانعان شتامدارىنا توتەپ بەرە الا ما

3392
Adyrna.kz Telegram

«QazVac» ۆاكتسيناسى ۆيرۋستىڭ مۋتاتسيالانعان شتامدارىنا دا توتەپ بەرە الادى. بۇل تۋرالى ونلاين بريفينگ بارىسىندا قر كلينيكالىق جانە ىرگەلى مەديتسينا اكادەميگى، س. اسفەندياروۆ اتىنداعى قازۇمۋ ەپيدەميولوگيا كافەدراسىنىڭ پروفەسسورى ساكەن امىرەەۆ ايتتى، دەپ حابارلايدى "ادىرنا" ۇلتتىق پورتالى قازاقپارات تىلشىسىنە سىلتەمە جاساپ.

قازاقستان ەپيدەميولوگياسىنىڭ نەگىزىن قالاۋشى ساكەن امىرەەۆتىڭ ايتۋىنشا، وتاندىق ۆاكتسينا يناكتيۆاتسيالانعان، ونىڭ دوزاسى 0,5 مل/دوزا جانە بۇلشىقەتكە ەگىلەدى. قۇرامىندا SARS-CoV-2 تازارتىلعان يناكتيۆيرلەنگەن تۇتاس ۆيريوندى شتاممى بار. مۇنداي ۆاكتسينالار دەنە تەمپەراتۋراسىن كوتەرمەيتىن جەڭىل اسقىنۋلارعا يە. «سپۋتنيك-V» سياقتى، ول دا ەكى كومپونەنتتى جانە 21 كۇندىك ينتەرۆالمەن ەنگىزىلەدى. سپيكەر قالا تۇرعىندارىن كوروناۆيرۋستان ەكپە الۋعا اسىعۋعا شاقىردى، ويتكەنى الەمدە بۇگىنگى تاڭدا بۇل ينفەكتسيانى جۇقتىرعاندار سانى 146 ملن استى.

«وسى ۋاقىتقا دەيىن كوروناۆيرۋستان شامامەن 3 ملن استام ادام قايتىس بولدى. ەگەر حالىق ءالى دە كۇتىپ، ەكپە سالدىرماسا، ءبىزدىڭ قانشا ادامدى جوعالتاتىنىمىز بەلگىسىز. ۆاكتسينا اۋرۋدىڭ الدىن الاتىنىن ەستە ساقتاۋ كەرەك. بۇل حالىقتىڭ ۇجىمدىق يممۋنيتەتىن قالىپتاستىرۋى ءۇشىن قاجەت. ەپيدەميولوگيا زاڭى بويىنشا يممۋندىق قابات پايدا بولۋى ءۇشىن حالىقتىڭ 60% جانە ودان كوپ بولىگى ۆاكتسيناتسيالانۋى قاجەت.ۇجىمدىق يممۋنيتەت وسىنداي كورسەتكىشتەر بولعان كەزدە قالىپتاسادى»، - دەدى ساكەن امىرەەۆ. ول حالقىنىڭ 84%-دان استامى ەكپە العان يزرايل مەملەكەتىن مىسالعا كەلتىردى. جاپپاي ۆاكتسيناتسيانىڭ ارقاسىندا كارانتيندىك شارالار ءىشىنارا السىرەدى.

سپيكەر انتيدەنەلەردى تەكسەرۋدىڭ سوڭىندا ءجۇرىپ، قاراجات پەن ۋاقىتتى ىسىراپ ەتپەۋگە شاقىردى. «حالىق كەيدە ەكپە جاساماۋ ءۇشىن سەبەپ ىزدەيدى. اۋرۋدى جاسىرۋدىڭ قاجەتى جوق، سونىمەن قاتار كوروناۆيرۋسپەن اۋىرعانداردىڭ يممۋنيتەتى ءالسىز ەكەنىن ەستە ۇستاعان ءجون، سوندىقتان ولار قالپىنا كەلگەننەن سوڭ 6 ايدان كەيىن ۆاكتسيناتسيالانۋى كەرەك. ۆاكتسينا جالپى جاقسى وتەدى. ۆاكتسينانى العاندار وزدەرىن جاقسى سەزىنەدى. مۇمكىندىكتى پايدالانا وتىرىپ، حالىققا جۇگىنگىم كەلەدى: ۆاكتسيناتسيادان قورقۋدىڭ قاجەتى جوق، COVID-19 ۆاكتسيناتسياسى – الدىن الۋدىڭ سەنىمدى ءتاسىلى»، - دەيدى پروفەسسور.

سونىمەن قاتار، ول «QazVac» ۆاكتسيناسى ۆيرۋستىڭ بارلىق مۋتاتسيالانعان شتامدارىنا توتەپ بەرە الاتىنىن تىلگە تيەك ەتتى. «يناكتيۆتەندىرىلگەن ۆاكتسينا تولىعىمەن ۆيريوننان جاسالعان جانە وندا اقۋىزداردىڭ بارلىق سپەكترى ساقتالعان، سوندىقتان كەز كەلگەن مۋتاتسيا كەزىندە «QazVac» ۆاكتسيناسىنان كەيىن قالىپتاسقان انتيدەنەلەر ۆيرۋستى تانيدى، ونى زالالسىزداندىرادى جانە جاڭا ۆيرۋسپەن كەزدەسۋ جاعدايىندا ينفەكتسيا تۋرالى اقپاراتتى ساقتايدى»،- دەپ ءتۇسىندىردى ول.

 

 

پىكىرلەر