بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعىنىڭ «سانياتاريالىق-ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعى» فيليالى ديرەكتورىنىڭ ورىنباسارى مانار سماعۇل قر پرەزيدەنتى جانىنداعى وكق-داعى بريفينگتە ايتتى.
قازاقستاندىق ۆاكتسينانى ەگۋ اراقاشىقتىعى ۆاكتسينا وندىرۋشىلەردىڭ نۇسقاۋلىعىمەن عانا ەنگىزىلەدى. بۇگىنگى تاڭدا ونداي سۇراق تۋىندامادى. جاڭا دەرەكتەر پايدا بولعاننان كەيىن وزگەرىستەر ەنگىزىلەدى. وسىعان دەيىن ايتقانداي، گامالەي ينستيتۋتىنىڭ رەسمي مالىمەتى بويىنشا «سپۋتنيك-V» ۆاكتسيناسىنىڭ ەكى كومپونەنتى اراسىنداعى مەرزىم ۇزارتىلدى، - دەدى مانار سماعۇل.
ول اتاعانداي، بۇگىنگى تاڭدا قازاقستاندىق ۆاكتسينانىڭ ەكى كومپونەنتى اراسىنداعى مەرزىمدى ۇزارتۋ قاراستىرىلماعان.
سونداي-اق مانار سماعۇل ەپيدەميولوگيالىق جاعدايدىڭ ماتريتساسىنا سايكەس قازاقستان ءبىر ايدان استام ۋاقىت «قىزىل» ايماقتا بولعانىن اتاپ ءوتتى.
تەك سوڭعى اپتادا ەل ورتاشا تاۋەكەل ايماققا، ياعني «سارى» ايماققا اۋىستى.بۇگىنگى كۇنى ءالى دە 6 ءوڭىر «قىزىل» ايماقتا تۇر. ولار الماتى، نۇر-سۇلتان قالالارى، بقو، اقمولا، قاراعاندى جانە پاۆلودار وبلىستارى، - دەگەن ەدى ول.
