پەتروپاۆلدا ەسىل وزەنىنىڭ ءبىر بولىگى 15 ملن تەڭگەگە ساتىلىمعا شىعارىلدى. جەلىدە پايدا بولعان حابارلاندىرۋ تۇرعىنداردىڭ اشۋىنا تيگەن. جاعدايعا قاتىستى قالالىق اكىمدىك پىكىر ءبىلدىردى دەپ حابارلايدى حابار 24.
50 سوتىق جەر ۋچاسكەسى كوپتەن بەرى جەكەنىڭ قولىندا بولعانى انىقتالدى. جىلجىمايتىن مۇلىك وبەكتىسى گيدروتەحنيكالىق عيماراتقا جاقىن جەردە ورنالاسقان. سونداي-اق مۇندا ادامداردىڭ تابيعاتتى تاماشالاۋىنا مۇمكىندىك بەرەتىن الاڭقاي بار.
اۋماقتىڭ بارلىعى سۋ قورعاۋ ايماعىنا جاتادى. سوندىقتان ادامداردا جەردى جەكە مەنشىككە قالاي بەرۋگە بولادى دەگەن سۇراق تۋىنداعان. جاعدايعا قاتىستى پەتروپاۆل قالاسىنىڭ اكىمدىگى پىكىر ءبىلدىردى.
اكىم ورىنباسارى اسقار ءحابيبۋليننىڭ سوزىنشە، بۇل ۋچاسكە 2006 جىلى قالا باسشىسىنىڭ جارلىعىمەن بەرىلگەن. الايدا 2019 جىلدىڭ قازان ايىندا جەردى ماقساتسىز پايدالانعانى ءۇشىن جەر ينسپەكتسياسىنا تەكسەرۋ ءۇشىن ماتەريالدار جىبەرىلگەن.
"اتالعان ۋچاسكە جالپى العاندا قۇرىلىسقا بەرىلگەن، بىراق باس جوسپارعا سايكەس وندا سۋ قورعاۋ ايماعى بار، ياعني وندا قۇرىلىس جۇرگىزۋ مۇمكىن ەمەس", - دەيدى اسقار حابيبۋلين.
