108 مەملەكەتتىك قىزمەتشى تارتىپتىك جاۋاپكەرشىلىككە تارتىلدى. ولاردىڭ قاراماعىنداعى قىزمەتكەرلەردىڭ سىبايلاس جەمقورلىققا قاتىسى بولعان، دەپ حابارلايدى «ادىرنا» ۇلتتىق پورتالى «حابار 24» ارناسىنا سىلتەمە جاساپ.
مەملەكەتتىك قىزمەتكەرلەردىڭ 15-ءى وتستاۆكاعا كەتكەن. قازىر جول كارتاسىنىڭ نەگىزىندە ماڭىزدى ينفراقۇرىلىمدىق جوبالاردى ىسكە اسىرۋ باستالدى. وعان بيىل شامامەن 325 ملرد تەڭگە ءبولۋ جوسپارلانعان. سول سەبەپتى بيۋدجەت قاراجاتىنىڭ ءتيىمدى جۇمسالۋىن باقىلاۋ ماڭىزدى بولىپ تۇر.
بۇل جونىندە پرەزيدەنت جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسىندا ايتىلدى. ءبىر ايتارلىعى، قارجىلىق ءتارتىپ ساقتالا بەرمەيدى. ماسەلەن، بىلتىردىڭ وزىندە ەسەپ كوميتەتى قۇقىق قورعاۋ ورگاندارىنا 72 فاكتى بويىنشا ماتەريال بەرىپ، سىبايلاس جەمقورلىققا قارسى اگەنتتىك 28 قىلمىستىق جاعدايدى تىركەگەن. 23 ادام جاۋاپكەرشىلىككە تارتىلدى. پروكۋراتۋرا 331 قاداعالاۋ اكتىسىن ەنگىزدى. 493 ادام تارتىپتىك جاۋاپكەرشىلىككە، 540 ازامات اكىمشىلىك جاۋاپكەرشىلىككە تارتىلعان. جيىندا مەملەكەتتىك حاتشى اگەنتتىكتىڭ جاڭا توراعاسىنان پرەزيدەنت تاپسىرماسىنىڭ ورىندالۋ بارىسىن سۇرادى.
«ءبىزدىڭ كوميسسيامىزعا جاڭادان قوسىلعان مۇشەنى تانىستىرا كەتەيىن. قر سجقىق اگەنتتىگىنىڭ توراعاسى مارات مۇراتۇلى احمەتجانوۆ كوميسسيا اتىنان ءسىزدىڭ جاۋاپتى قىزمەتىڭىزگە ساتتىلىك تىلەيمىز! مارات مۇراتۇلى ءسىزدى تاعايىنداۋ ساتىندە مەملەكەت باسشىسى قاسىم-جومارت كەمەلۇلى توقاەۆ سىبايلاس جەمقورلىققا قارسى ءىس-قيمىل سالاسىندا ايقىن باعىتتاردى بەلگىلەپ بەردى. ونىڭ ىشىندە اسىرەسە، اگەنتتىك قىزمەتىن قىلمىستىق پروتسەستىڭ ءۇش بۋىندى مودەلىنە بەيىمدەۋ تۋرالى ناقتى تاپسىرما بەرىلگەن بولاتىن. اتالعان باعىتتا اتقارىلىپ جاتقان جۇمىس تۋرالى كوميسسياعا قىسقاشا اقپارات بەرۋىڭىزدى سۇرايمىن»، - دەيدى قر مەملەكەتتىك حاتشىسى قىرىمبەك كوشەرباەۆ.
"ادىرنا" ۇلتتىق پورتالى
