وتباسى بانكى مەن اكىمدىك جاس وتباسىلارعا جىلدىق 5% - بەن نەسيە بەرۋ ءۇشىن 20 جىلعا 10% باستاپقى جارنامەن قاراجات بولەدى دەپ جوسپارلانۋدا. سونىمەن قاتار اكىمدىك سۇرانىسقا يە ماماندىقتارعا اقشالاي تۇردە تۇرعىن ءۇي سەرتيفيكاتتارىن بەرەتىن بولادى. اقشانى باستاپقى جارنا رەتىندە وتباسى بانكىنىڭ شوتىنا جىبەرەدى.
قوستاناي وبلىسى اكىمىنىڭ ورىنباسارى باقىت ەسىموۆا بۇگىندە مينيسترلىكتەرمەن جانە وتباسى بانكىمەن كەلىسسوزدەر جۇرگىزىپ جاتقانىن اتاپ ءوتتى. باستى مىندەت - سەرتيفيكاتتىڭ شەكتى سوماسىن 3 ملن تەڭگەگە دەيىن جانە وتباسىنىڭ ءاربىر مۇشەسىنە شەكتى تابىس مولشەرىن 2-دەن 3 اەك-كە دەيىن (68-دەن 102 مىڭ تەڭگەگە دەيىن) ۇلعايتۋعا قول جەتكىزۋ.
ۇسىنىس رەتىندە ايماقتىق بيلىككە وسىنداي سۋبسيديا الۋعا ۇمىتكەرلەردى ىرىكتەۋ كريتەريلەرىن تۇزەتۋ قۇقىعىن بەرۋ: وسى اۋدانعا نەمەسە قالاعا قاجەت ساناتتاردى ەنگىزۋ. وبلىستىق ءماسليحات دەپۋتاتتارى ماجىلىسكە سۇرانىس دايىندايدى.
وڭىردە تۇرعىن ءۇي كەزەگىندە 6,5 مىڭ ادام تۇر (14 - تەن 29 جاسقا دەيىن). بۇل كەزەكتە تۇرعانداردىڭ جالپى سانىنىڭ ۇشتەن ءبىرى. ەگەر قالادا تۇرعىن ءۇي ساتىپ الۋداعى باستى پروبلەما – اقشا بولسا، ال ەندى ءبىرى ءۇشىن تۇرعىن ءۇي جاعدايى قاناعاتتاندىرمايدى.
قوستاناي وبلىسىندا 2021 جىلعا ارنالعان "نۇرلى جەر" مەملەكەتتىك باعدارلاماسىن ىسكە اسىرۋعا بيۋدجەتتەن 20 ملرد تەڭگەدەن استام قاراجات ءبولىندى. بۇل سوما قوناي كەنتىندە 19 ءۇيدى، "يۋبيلەينىي" جانە "اەروپورت" شاعىن اۋداندارىندا ءتورت ۇيدەن تاپسىرۋعا مۇمكىندىك بەرەدى.
"ەكى ايدا وبلىس بويىنشا 97 مىڭ شارشى مەتر پايدالانۋعا بەرىلدى. بۇل 2020 جىلدىڭ سايكەس كەزەڭىمەن سالىستىرعاندا 23% – عا ارتىق", - دەدى وبلىستىق ءماسليحات دەپۋتاتتارىنا قۇرىلىس، ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ.
