يلون ماسكتىڭ Starship عارىش كەمەسى العاش رەت جارىلماي جەرگە قوندى

3015
Adyrna.kz Telegram

يلون ماسك Starship عارىش كەمەسى العاش رەت جارىلماي ۇشىپ-قونعانىن Twitter جەلىسىندەگى پاراقشاسىندا مالىمدەدى، دەپ حابارلايدى «ادىرنا» ۇلتتىق پورتالى.

Starship كەمەسىنىڭ ءپروتوتيپى، SN15 كەمەسىنىڭ ۇشىرىلۋى ءساتتى وتكەن. ول اۋەلى 10 شاقىرىم بيىككە كوتەرىلىپ، ودان كەيىن تەحاستاعى عارىش ايلاعىنا قوندى.

Starship-ءتىڭ بۇعان دەيىنگى ءتورت سىناعى ءتۇرلى سەبەپتەرگە بايلانىستى ءساتسىز وتكەن بولاتىن. عارىش كەمەسى قونار كەزدە نەمەسە اۋەدە جارىلعان. ونىڭ ءپروتوتيپىنىڭ ءبىرى ءساتتى قوندى، الايدا كوپ ۇزاماي ءورت شىعىپ، جانىپ كەتتى.

SN15 ۇشىرىلىمى ەشقانداي قيىندىقسىز ءوتتى. كەمە مەتانمەن جۇمىس ىستەيتىن Raptor قوزعالتقىشىنىڭ كومەگىمەن بەرىلگەن اۋەگە كوتەرىلدى. ودان كەيىن قوزعالتقىشتارى ءوشىرىلىپ، اپپارات كولدەنەڭ قالىپقا ءوتىپ، تومەندەي باستاعان. SpaceX جوسپارىنا سايكەس، بولاشاقتا عارىش كەمەلەرى عارىشتان جەرگە ءدال وسىلاي ورالادى.

بۇل جاڭالىقتىڭ ادامزات تاريحى ءۇشىن ماڭىزى وتە زور. بۇعان دەيىن عارىش كەمەلەرى اسپانعا ۇشقاننان كەيىن قونا الماي اۋەدە جارىلىپ كەتىپ، عارىشكەرلەر پاراشيۋتپەن جەرگە قوناتىن ەدى. ءاربىر عارىشقا ۇشىرىلعان كەمە ءبىر رەت قولدانۋعا عانا جارايتىن، كەلەسى جولى جاڭاسىن شىعارىپ ۇشىرۋ كەرەك بولاتىن. وسىلايشا ءاربىر عارىشقا ۇشۋ ادام بالاسىن كوپ كولەمدى شىعىنعا باتىرىپ كەلدى. ەندى جەردەگى كولىكتەر نەمەسە ۇشاقتار ءتارىزدى عارىش كەمەلەرى ايعا نەمەسە مارسقا ەمىن-ەركىن كوپ مارتە قاتىناپ وتىرۋعا مۇمكىندىك الدى. بۇل ادامزاتتىڭ جاڭا تاريحي بەلەسى، جەتىستىگى دەسە دە بولادى!

SpaceX استروناۆتتاردى ايعا جەتكىزەتىن كەمەلەردى شىعارۋ قۇقىعىنا يە بولعان.

"ادىرنا" ۇلتتىق پورتالى

پىكىرلەر