بۇگىن استانادا دۇنيەجۇزى قازاقتارىنىڭ V قۇرىلتايى باستالدى. EXPO-2017 حالىقارالىق كورمەسى اياسىندا ۇيىمداستىرىلعان قۇرىلتايعا 800-گە تارتا دەلەگات قاتىستى. ولاردىڭ 350-ءى 39 مەملەكەتتەن كەلگەن.
قۇرىلتايدى پرەزيدەنت نۇرسۇلتان نازارباەۆ اشتى. پرەزيدەنت ءوز سوزىندە لاتىن الىپپەسىنە كوشۋدى 2025 جىلعا دەيىن سوزا بەرۋدىڭ قاجەتى جوق ەكەندىگىن، "وتانداستار" قورى قۇرىلاتىنىن جانە شەتەلدەگى قازاق بالالارىنىڭ قازاقستاندا ءبىلىم الۋىنا بولىنەتىن گرانت ەكى ەسەگە وسەتىندىگىن ايتتى.
جيىن سوڭىندا نۇرسۇلتان نازارباەۆ دۇنيەجۇزى قازاقتارى قاۋىمداستىعىنىڭ توراعاسى بولىپ قايتا سايلاندى. توراعانىڭ ءبىرىنشى ورىنباسارلىعى تالعات ماماشەۆ ورنىنا زاۋىتبەك تۇرىسبەكوۆكە بەرىلدى.
