Búgin astanada Dúnıejúzi qazaqtarynyń V Quryltaıy bastaldy. EXPO-2017 halyqaralyq kórmesi aıasynda uıymdastyrylǵan quryltaıǵa 800-ge tarta delegat qatysty. Olardyń 350-i 39 memleketten kelgen.
Quryltaıdy prezıdent Nursultan Nazarbaev ashty. Prezıdent óz sózinde latyn álippesine kóshýdi 2025 jylǵa deıin soza berýdiń qajeti joq ekendigin, "Otandastar" qory qurylatynyn jáne sheteldegi qazaq balalarynyń Qazaqstanda bilim alýyna bólinetin grant eki esege ósetindigin aıtty.
Jıyn sońynda Nursultan Nazarbaev Dúnıejúzi qazaqtary qaýymdastyǵynyń tóraǵasy bolyp qaıta saılandy. Tóraǵanyń birinshi orynbasarlyǵy Talǵat Mamashev ornyna Zaýytbek Turysbekovke berildi.
