پاۆلودار قالاسىنداعى 10 قاباتتى ۇيدەن ءورت شىعىپ، 4 ادام قازا تاپتى. بۇل تۋرالى پاۆلودار وبلىسىنىڭ توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
«2021 جىلدىڭ 9 مامىرىندا ساعات 21:02-دە پاۆلودار قالاسىنىڭ كامزين كوشەسىنەن ۇيدەن ءورت شىققانى تۋرالى حابار تۇسكەن. بەلگىلى بولعانىنداي، 10 قاباتتى ءۇيدىڭ ءۇشىنشى قاباتىنداعى پاتەرلەردىڭ بىرىنەن ءورت شىعىپ، جالىن 56 شارشى مەتر اۋماقتى شارپىعان. ءورت بولعان جەردى تەكسەرۋ بارىسىندا 4 ادامنىڭ دەنەسى تابىلدى. پاتەردەن 1 ايەلدىڭ جانىپ كەتكەن دەنەسى، ەسىك الدىندا گاز يىسىنەن ۋلانىپ جاتقان تاعى ءبىر ەر ادام مەن نارەستەسى بار ايەل ادام تابىلدى. وقيعا ورنىندا 28 ادام مەن 8 تەحنيكا جۇمىس ىستەپ جاتىر", - دەلىنگەن حابارلامادا.
«ادىرنا» ۇلتتىق پورتالى
