NASA عارىش ورتالىعىنىڭ "حاببل" تەلەسكوپى جاڭادان ءتۇزىلىپ جاتقان ەكزوپلانەتانىڭ قالىپتاسۋ پروتسەسىن فيكساتسيالاپ ءتۇسىرىپ الىپ، استرونومدارعا كورۋگە مۇمكىندىك بەردى، دەپ حابارلايدى «ادىرنا» ءتىلشىسى profile.ru-عا سىلتەمە جاساپ.
تەلەسكوپتىڭ باقىلاۋىنا عارىشتا ۇشىپ جۇرگەن گاز بەن عارىشتىق شاڭ بۇلتىنان ءتۇزىلىپ جاتقان PDS 70B نىسانى ءتۇسىپ قالعان. شار ءپىشىندى بۇل عارىش نىسانىنىڭ ءتۇزىلىپ جاتقانىنا 5 ميلليونداي جىل ءوتىپتى.
عالىمداردىڭ پىكىرىنشە، PDS 70B پلانەتاسىنىڭ ولشەمىن يۋپيتەر پلانەتاسىنىڭ ولشەمىمەن سالىستىرۋعا بولادى. استرونومدار الىس قاشىقتىقتا ورنالاسقان پلانەتا ۋلترا ساۋلەلەر مەن عارىشتىق شاڭ توزاڭداردان قالىپتاسىپ جاتقانىن انىقتادى. پلانەتا قازىر وتە جوعارى تەمپەراتۋرادا قالىپتاسىپ جاتىر.
"الىپ پلانەتالاردىڭ قالاي تۇزىلەتىنىنى جايىندا ناقتى ايتا المايمىز. سوندىقتان PDS 70B نىسانى پلانەتالاردىڭ ءتۇزىلۋ پروتسەسىن زەرتتەۋدىڭ جاقسى مۇمكىندىگى بولىپ وتىر",— دەدى وستيندەگى تەحاس ۋنيۆەرسيتەتىنىڭ قىزمەتكەرى برەندان بوۋلەر.
PDS 70 عارىش نىسانى جەردەن 370 جارىق جىلى قاشىقتىقتاعى تسەنتاۆر شوقجۇلدىزدارى توبىندا ورنالاسقان. بۇل جايىندا The Astronomical Journal جۋرنالى حابارلادى.
«ادىرنا» ۇلتتىق پورتالى
