NASA ǧaryş ortalyǧynyŋ "Habbl" teleskopy jaŋadan tüzılıp jatqan ekzoplanetanyŋ qalyptasu prosesın fiksasiialap tüsırıp alyp, astronomdarǧa köruge mümkındık berdı, dep habarlaidy «Adyrna» tılşısı profile.ru-ǧa sılteme jasap.
Teleskoptyŋ baqylauyna ǧaryşta ūşyp jürgen gaz ben ǧaryştyq şaŋ būltynan tüzılıp jatqan PDS 70B nysany tüsıp qalǧan. Şar pışındı būl ǧaryş nysanynyŋ tüzılıp jatqanyna 5 milliondai jyl ötıptı.
Ǧalymdardyŋ pıkırınşe, PDS 70B planetasynyŋ ölşemın Iýpiter planetasynyŋ ölşemımen salystyruǧa bolady. Astronomdar alys qaşyqtyqta ornalasqan planeta ultra säuleler men ǧaryştyq şaŋ tozaŋdardan qalyptasyp jatqanyn anyqtady. Planeta qazır öte joǧary temperaturada qalyptasyp jatyr.
"Alyp planetalardyŋ qalai tüzıletınını jaiynda naqty aita almaimyz. Sondyqtan PDS 70B nysany planetalardyŋ tüzılu prosesın zertteudıŋ jaqsy mümkındıgı bolyp otyr",— dedı Ostindegı Tehas universitetınıŋ qyzmetkerı Brendan Bouler.PDS 70 ǧaryş nysany jerden 370 jaryq jyly qaşyqtyqtaǧy Sentavr şoqjūldyzdary tobynda ornalasqan. Būl jaiynda The Astronomical Journal jurnaly habarlady.
«Adyrna» ūlttyq portaly
