گرۋزيا پروكۋراتۋراسى 5 مامىردا تبيليسيدە سۋيتسيد جاساعان 26 جاستاعى قازاقستاندىق ارۋ اسەل ايتپاەۆانىڭ زورلانعانى تۋرالى ايتتى، دەپ حابارلايدى "ادىرنا" ۇلتتىق پورتالى.
تەرگەۋ بارىسىندا قىزدى ولىممەن قورقىتىپ زورلاعاندىعى بەلگىلى بولدى، دەيدى پروكۋراتۋرا. بۇل ونىڭ وزىنە-ءوزى قول جۇمساۋىنىڭ سەبەبى بولدى.
كۇدىكتى 6 مامىردا قاماۋعا الىندى. گرۋزيا قىلمىستىق كودەكسىنىڭ «جابىرلەنۋشىنىڭ دەنساۋلىعىنا اۋىر زيان كەلتىرۋ نەمەسە باسقا اۋىر زارداپتارعا اكەپ سوقتىراتىن زورلاۋ» جانە «جابىرلەنۋشىنى قورقىتۋ نەمەسە قاتىگەزدىكپەن قاراۋ، ونىڭ ابىرويىن جۇيەلى تۇردە قورلاۋ ارقىلى ءوزىن-ءوزى ولتىرۋگە وقتالۋ نەمەسە قادىر-قاسيەتىن قورلاۋ» ءىسى بويىنشا تەرگەۋ جۇمىستارى باستالدى.
ەگەر كۇدىكتىنىڭ كىناسى دالەلدەنسە، وندا ول 8 جىلدان 10 جىلعا دەيىن باس بوستاندىعىنان ايىرىلۋى مۇمكىن، دەيدى پروكۋرورلار.
ەستەرىڭىزگە سالا كەتەيىك، تبيليسيدە اسەل ايتپاەۆا 9-قاباتتىڭ تەرەزەسىنەن سەكىرىپ كەتكەن. ولەر الدىندا ول دوسىنا اۋديو حابارلاما جىبەرىپ ۇلگەردى، وندا ەر ادام وعان زورلىق-زومبىلىق كورسەتەمىن دەپ قورقىتقانىن ايتقان داۋىسىن ەستۋگە بولادى.
"ادىرنا" ۇلتتىق پورتالى
(فوتو:instagram assel_ayt)
