ساحنادا - قىز جىبەك

13-14 ماۋسىم كۇندەرى  م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا ع.مۇسىرەپوۆتىڭ «قىز جىبەك» مۋزىكالىق دراماسىنىڭ پرەمەراسى وتەدى. "قىز جىبەك" ەپوسىن «ماحاببات گيمنى» دەپ اتاپ ءجۇرمىز. سەبەبى، ونىڭ  كوركەم تۋىندىعا اينالۋ پروتسەسى ءجۇرىپ جاتقان ۋاقىتتا ( ءحVى-ءحVىىى ع) قازاق قوعامىندا  سەزىم بوستاندىعى، ماحاببات ەركىندىگى تۋرالى ماسەلە وسى جىرداعىداي  اشىق ايتىلا بەرمەگەن. سول كەزەڭدە نەكە مەن وتباسىنا قاتىستى ەجەقابىل، قالىڭمال، كوپ ايەل الۋ، امەڭگەرلىك سياقتى سالتتار ۇستەم بولدى. جىرداعى تولەگەننىڭ دە، جىبەكتىڭ دە وزىنە لايىق جار ىزدەۋى، سۇيىسپەنشىلىكپەن ۇيلەنۋدى كوزدەۋى - سول كەزەڭدەگى جاستاردىڭ كوكىرەگىندە جۇرگەن تىلەگىن اڭعارتادى. قازاق جۇرتى «قىز جىبەكتى» 1968-70 جىلدارى سۇلتان قوجىقوۆتىڭ رەجيسسەرلىگىمەن تۇسىرىلگەن كينو ارقىلى تانىپ ءبىلدى دەسەك، ارتىق ايتقاندىق ەمەس. ەندى، وسى جىردىڭ ساحنالىق قويىلىمى قالاي بولادى؟ تەاتر سۇيەر قاۋىمدى وسى جاي قىزىقتىرارى ءسوزسىز.  ولاي بولسا،  س.باقاەۆا، ا.شاياحمەتوۆ، ە.دايىروۆ، ا.كيركاباكوۆ، م.تاعانوۆ، ش.اسقاروۆا، ش.جانىسبەكوۆا، گ.تۋتوۆا، ب.تۇرىس، ب.ءابدىلمانوۆ، س.مەرەكەۇلى، ج.تولعانباي، ز.كارمەنوۆا، د.ۇسەنوۆا،  ج.جانىامانوۆا، ك.شاياحمەتوۆا، ج.ماقاجانوۆا، ا.جۇماباەۆ، ج.تينباەۆ، ا.باقىتجانوۆا  جانە باسقا  كوپتەگەن تەاتر ارتيستەرىنىڭ ونەرىن تاماشالاۋعا اسىعايىق. قىز جىبەك»  مۋزىكالىق  دراماسىنىڭ  شىعارماشىلىق قۇرامى; قويۋشى-رەجيسسەر        ە.نۇرسۇلتان   رەجيسسەردىڭ اسسيسەنتى ش.جانىسبەكوۆا قويۋشى-سۋرەتشى           ە.تۇياقوۆ كيىم سۋرەتشىسى       ن.قاليەۆا مۋزىكاسىن وڭدەگەندەر ا.رايىمقۋلوۆا، ت.جارمۇقانبەت  بالەتمەيستەر  ا.سىدىقوۆا ساحنا سايىسى  ا.بايلين ۆوكال ءپانىنىڭ ۇستازى گ.قارامولداەۆا حور ءپانىنىڭ ۇستازى گ.بەرەكەشەۆ رەجيسسەردىڭ كومەكشىسى   س.گەنياروۆا 

---

جاسۇلان ناۋرىزاليەۆ