قىزىلوردالىق كاميللا سەرىكباي اقش-قا "الەم ارۋى" بايقاۋىنىڭ فينالىنا بارادى

3132
Adyrna.kz Telegram

قىزىلوردالىق كاميللا سەرىكباي 5 مامىردا اقش-قا «الەم ارۋى» بايقاۋىنىڭ فينالىنا دايىندالۋعا بارادى، دەپ حابارلايدى "ادىرنا" ۇلتتىق پورتالى. 

ول بىرنەشە اي بويى فينالعا تىڭعىلىقتى دايىندالدى. ەڭ جارقىن ساتتەر ءوز ەلى تۋرالى تانىستىرىلىم ۆيدەو تۇسىرىلگەن الاڭدا بولدى. «الەم ارۋىندا» العاش قولا ءداۋىرىنىڭ 2 مىڭنان اسا پەتروگليفى بار تاڭبالى شاتقالى، يۋنەسكو-نىڭ دۇنيەجۇزىلىك مۇرا وبەكتىسى ۇسىنىلاتىن بولادى.

«مەنىڭ قازاقستانىم - ءشول مەن كولدەردەن باستاپ، مۇز باسقان جەتىمىڭدىقتارعا دەيىنگى ەرەكشە ءارى قايتالانباس تابيعات. بۇل - تاۋلارى الماراسان شاتقالدارىنداعىداي ءمولدىر تازا سۋى بار جۇزدەگەن وزەن. بۇل ەجەلگى ءداستۇر قۇپياسى – بۇركىتپەن اڭ اۋلاۋ، جابايى جىرتقىشتىڭ ادامعا تولىعىمەن سەنىپ، وعان ولجاسىن بەرۋى.

بىراق مەنىڭ حالقىمدى سيپاتتايتىن باستى ءسوز - ول «قونايجايلىق». قازاقتاردىڭ ءوزى كوشپەندى حالىق رەتىندە ساياحاتتاپ جۇرگەن ادامعا اس ۇسىنۋدىڭ ماڭىزدى ەكەنىن تۇسىنەدى. سوندىقتان ەلىم تۋرالى تانىستىرىلىم ۆيدەو كادرلارىندا قازاقتىڭ ءداستۇرلى بەرەكەلى داستارحانى دا كورسەتىلەدى»، - دەپ جازدى كاميللا الەم ارۋى تانىستىرىلىمىنا.

 

كاميللا سەرىكباي سۇلەيمان دەميرەل اتىنداعى ۋنيۆەرسيتەتتىڭ قۇقىقتانۋ فاكۋلتەتىنىڭ ءبىرىنشى كۋرس ستۋدەنتى.

«مەن تاڭداۋىم وسى ماماندىققا تۇسكەنىنە وتە قۋانىشتىمىن، سەبەبى بولاشاقتا قۇقىق قورعاۋشى بولىپ، قۇقىق بويىنشا كومەك قاجەت ادامدارعا قول ۇشىن سوزعىم كەلەدى»، - دەيدى ول.

ول 2019 جىلى «قىزىلوردا ارۋى» كونكۋرسىندا جەڭىسكە جەتىپ، «قازاقستان ارۋى» بايقاۋىنىڭ فينالىندا ءوز قالاسىنىڭ نامىسىن قورعادى. بىرنەشە ءتىلدى جەتىك مەڭگەرگەن، ونىڭ ىشىندە، تۇرىك جانە اعىلشىن تىلدەرى بار.  13 جاسىنان كاراتەمەن اينالىسادى، سپورت شەبەرلىگىنە ۇمىتكەر، قوڭىر بەلبەۋ يەسى.

«مەن وسى بايقاۋدا قازاقستاننىڭ نامىسىن قورعاۋ مۇمكىندىگى بەرىلگەنىنە وتە قۋانىشتىمىن. مەن جەڭىسكە قول جەتكىزۋ ءۇشىن بار كۇشىمدى سالامىن. بارشا قازاقستاندىققا قولداۋ بىلدىرگەنى ءۇشىن جانە «الەم ارۋى» بايقاۋىنىڭ رەسمي قوسىمشاسىندا داۋىس بەرگەنى ءۇشىن العىس ايتامىن»، - دەدى كاميللا.

فينال كەزىندە كاميللا «كۋنكەي» ءسان ءۇيىنىڭ سابينا ناۋرزالينا ۇسىنعان ۇلتتىق كيىمىن ۇسىنادى. ودان بولەك، كەشكى كورسەتىلىم كەزىندە ول Sherri Hill گولليۆۋدتىق برەندىنىڭ كويلەگىمەن شىعادى.

بىلتىر كوروناۆيرۋس پاندەمياسىنا بايلانىستى كەيىنگە قالعان «الەم ارۋى» بايقاۋى بيىل «ءتىرى» فورماتتا 16 مامىردا فلوريدا شتاتىنىڭ حولليۆۋد قالاسىندا وتەدى.

كونكۋرس ۇيىمداستىرۋشىلارى فينالدا قاۋىپسىزدىك شاراسىن ساقتاۋعا ارنالعان شارالاردى بىرنەشە اي بويى جۇرگىزدى. COVID-19 تاراۋىن بولدىرماۋ ءۇشىن دۇنيە جۇزىنەن كەلگەن قاتىسۋشىلار مىندەتتى تۇردە كارانتينگە جاتقىزىلىپ، بىرنەشە رەت، ونىڭ ىشىندە، شوۋ باستالار الدىندا تەست تاپسىرادى، ماسكا تاعۋ جانە الەۋمەتتىك قاشىقتىق رەجيمى ساقتالادى.

"ادىرنا" ۇلتتىق پورتالى

 

 

پىكىرلەر