الماتى قالاسىندا ۆاكتسيناتسيادان وتكەنى تۋرالى ەلەكتروندىق پاسپورت ساتىلىپ جاتقانى تۋرالى اقپارات تارادى. اقپاراتقا بايلانىستى الماتى قوعامدىق دەنساۋلىق ساقتاۋ باسقارماسى تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
"قازىرگى ۋاقىتتا بارلىق مەديتسينالىق ۇيىمدار، اقپاراتتىق جۇيەلەر مەن مالىمەتتەر بازاسىن تەكسەرۋ باستالدى. «تەرگەۋ ناتيجەلەرى بۇل اقپاراتتى راستاسا، قازاقستان رەسپۋبليكاسىنىڭ زاڭناماسىنا سايكەس شارالار قولدانۋ ءۇشىن قۇقىق قورعاۋ ورگاندارىنا بەرىلەدى", دەدى باسقارماداعىلار. "مۇنداي ءىس-ارەكەتتىڭ قىلمىستىق سيپاتتا ەكەندىگىن جانە قىلمىستىق جاۋاپكەرشىلىككە تارتىلاتىندىعىن رەسمي تۇردە حابارلايمىز. بۇل فاكت جاريالانعان ساتتەن باستاپ ارنايى قىزمەتتىك تەرگەۋ باستالعان ەدى. قازىرگى ۋاقىتتا ۆاكتسيناتسيادان ءوتۋ تۋرالى ەلەكتروندى پاسپورت بەرۋ فاكتىسى راستالمادى", دەپ حابارلادى قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتى.
"ادىرنا" ۇلتتىق پورتالى
(فوتو اشىق دەرەككوزدەن)
ۇقساس جاڭالىقتار
