قازاقستاننىڭ تۇركياداعى قۇرمەتتى كونسۋلى حاليل ۋلۋەر ايەلى فاتمامەن بىرگە اپاتتان قايتىس بولدى، دەپ حابارلايدى "ادىرنا" ۇلتتىق پورتالى.
بۇل تۋرالى قازاقستاننىڭ تۇركياداعى توتەنشە جانە وكىلەتتى ەلشىسى ابزال ساپاربەكۇلى ءوزىنىڭ Facebook پاراقشاسىندا حابارلادى.
ونىڭ ايتۋىنشا، حاليل ۋلۋەر تابىستى كاسىپكەر بولعان. ول ءوز ەلىنىڭ پاتريوتى عانا ەمەس، سونىمەن بىرگە قازاق حالقىنىڭ شىنايى دوسى بولدى. ول تۇركى الەمىنە ءتانتى بولعان، تۇركيادا قازاقستاننىڭ تۋىن ماقتانىشپەن كوتەرگەن تابىستى كاسىپكەر ەدى. پاندەميا كەزىندە ستۋدەنتتەرگە كومەكتەستى، سونىمەن قاتار تۇركيادان قازاقستانعا گۋمانيتارلىق كومەك جىبەرۋگە قاتىستى، - دەپ جازدى ساپاربەكۇلى.
سونىمەن قاتار، حاليل ۋلۋەر ۇنەمى ينۆەستيتسيالاردى تارتۋ ماقساتىندا كەزدەسۋلەر مەن كەلىسسوزدەر وتكىزىپ تۇردى.
"ادىرنا" ۇلتتىق پورتالى
