وتاندىق تانىمال ءانشى جازيرا بايىربەكوۆا سىرقاتتانىپ قالىپ، دارىگەرلەردىڭ كومەگىنە جۇگىنۋگە ءماجبۇر بولعانىن ايتتى. جەدەل جاردەم ونەر يەسىن اۋرۋحاناعا الىپ كەتكەن، دەپ جازادى «ادىرنا» ۇلتتىق پورتالى KAZ.NUR.KZ سايتىنا سىلتەمە جاساپ.
بۇل تۋرالى ەسترادا جۇلدىزىنىڭ ءوزى Instagram پاراقشاسىندا ايتىپ بەردى.
بايىربەكوۆا ءوزىنىڭ سىرقاتتانىپ قالۋىنا بايلانىستى ورىن العان قىزىقتى جاعدايمەن دە ءبولىستى. بەلگىلى بولعانداي، ءانشىنىڭ قارىنداسى ونى اۋىرىپ قالاتىنىن الدىن الا كورىپ، وعان ەسكەرتكەن.
«تۋعان ءسىڭىلىم اققال بايىربەك 3-4 كۇن بۇرىن حابارلاسىپ «اجە سىزگە دەنساۋلىعىن كۇتسىن. اۋرۋى جانىنا باتىپ تۇرسا دا جۇمىس ىستەپ جۇرە بەرمەسىن» دەدى - دەپ حابارلاستى. اققالدىڭ ايتقانى جەدەل جاردەممەن اۋرۋحاناعا بارعاندا ەسىمە ءتۇستى. اققالدىڭ تۇسىنە ۇنەمى ءبىر اجە كىرىپ الدىنالا كوپ نارسەلەر ەسكەرتىپ تۇرادى.ءبىز تىڭداماعانىمىزبەن كەيىن اجەنىڭ ايتقانى دۇرىس ەكەنىنە كوزىمىز جەتىپ جاتادى»، - دەپ جازدى جازيرا بايىربەكوۆا.
ونەر يەسىنىڭ جانكۇيەرلەرى ول ءۇشىن اسا قاتتى الڭداپ، ونىڭ تەز ساۋىعىپ كەتۋىن تىلەدى.
«اللا شيپاسىن بەرسىن»، «قورقىتىپ قويدىڭىز عوي. تەز جازىلىڭىزشى»، «اۋرۋ اتاۋلىسى ءسىزدى اينالىپ ءوتسىن»، «دەنساۋلىق تىلەيمىز»، - دەپ جازدى كوپشىلىك.
جازيرا بايىربەكوۆا ءوز كەزەگىندە بۇگىندە جاعدايى جاقسارىپ قالعانىن جازدى.
«دەنساۋلىعىم جاقسى اللاعا شۇكىر! الاڭداپ سۇراپ جاتقاندارىڭىزعا راحمەت»، - دەپ جازدى ءانشى.
