Otandyq tanymal ánshi Jazıra Baıyrbekova syrqattanyp qalyp, dárigerlerdiń kómegine júginýge májbúr bolǵanyn aıtty. Jedel járdem óner ıesin aýrýhanaǵa alyp ketken, dep jazady «Adyrna» ulttyq portaly KAZ.NUR.KZ saıtyna silteme jasap.
Bul týraly estrada juldyzynyń ózi Instagram paraqshasynda aıtyp berdi.
Baıyrbekova óziniń syrqattanyp qalýyna baılanysty oryn alǵan qyzyqty jaǵdaımen de bólisti. Belgili bolǵandaı, ánshiniń qaryndasy ony aýyryp qalatynyn aldyn ala kórip, oǵan eskertken.
«Týǵan sińilim Aqqal Baıyrbek 3-4 kún buryn habarlasyp «áje sizge densaýlyǵyn kútsin. Aýrýy janyna batyp tursa da jumys istep júre bermesin» dedi - dep habarlasty. Aqqaldyń aıtqany jedel járdemmen aýrýhanaǵa barǵanda esime tústi. Aqqaldyń túsine únemi bir áje kirip aldynala kóp nárseler eskertip turady.Biz tyńdamaǵanymyzben keıin ájeniń aıtqany durys ekenine kózimiz jetip jatady», - dep jazdy Jazıra Baıyrbekova.
Óner ıesiniń jankúıerleri ol úshin asa qatty alńdap, onyń tez saýyǵyp ketýin tiledi.
«Alla shıpasyn bersin», «Qorqytyp qoıdyńyz ǵoı. Tez jazylyńyzshy», «Aýrý ataýlysy sizdi aınalyp ótsin», «Densaýlyq tileımiz», - dep jazdy kópshilik.
Jazıra Baıyrbekova óz kezeginde búginde jaǵdaıy jaqsaryp qalǵanyn jazdy.
«Densaýlyǵym jaqsy Allaǵa shúkir! Alańdap surap jatqandaryńyzǵa rahmet», - dep jazdy ánshi.
