ءساۋىر ايىنىڭ قورىتىندىسى بويىنشا ۆاكتسينالاۋعا جاتاتىن حالىقتىڭ 20%-ى كوروناۆيرۋسقا قارسى ەكپە الۋى ءتيىس. بۇل اقپارات تۋرالى دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا ايتتى.
«كوروناۆيرۋس بويىنشا الەمدەگى جاعداي ءالى دە ءماز ەمەس. بۇگىنگى تاڭدا الەمدە 148 ملن كۆي جاعداي تىركەلگەن. تاۋلىگىنە 600 مىڭ ناۋقاس تىركەلىپ جاتىر. 3 ملن ادام كوز جۇمدى. الەمدىك رەيتينگكە سايكەس، 221 ەلدىڭ ىشىندە قازاقستان ىندەتتىڭ تارالۋى بويىنشا 108 ورىندا تۇر، قايتىس بولعاندار بويىنشا 107 ورىندا. ەلدە 27 ساۋىردەگى جاعداي بويىنشا 311 400 جاعداي كۆي بويىنشا، كۆي – 52 471 جاعداي انىقتالدى»، - دەدى مينيستر.
تسويدىڭ ايتۋىنا قاراعاندا، ەلىمىزدەگى 10 ءوڭىر جوعارى ەپيدەميولوگيالىق قاۋىپتى دەڭگەيدە تۇر.
«جاسىل ايماقتا تۇركىستان مەن سقو تۇر. كۇن سايىن ىندەتتى جۇقتىرۋ دەڭگەيى ناۋرىزداعى 46 پايىزدان وتكەن اپتادا 8 پايىزعا دەيىن تومەندەدى. جاعدايدىڭ تۇراقتانىپ كەلە جاتقانى بايقالادى. 27 ساۋىردەگى جاعداي بويىنشا رەسپۋبليكاداعى ينفەكتسيالىق ورىنداردىڭ قامتىلۋى 41 پايىزدى، جانساقتاۋ ءبولىمى 28 پايىزدى قۇراپ وتىر. جاتىن ورىننىڭ قوسىمشا رەزەرۆى 62 مىڭدى قۇرادى. بۇگىندە بوس رەزەرۆتىك ورىن 28 مىڭ ورىندى قۇراپ وتىر»، - دەدى ول.
دەنساۋلىق ساقتاۋ ءمينيسترى بۇگىندە ادامداردى ۆاكتسيناتسيالاۋ ەكى ۆاكتسينا بويىنشا جۇرگىزىلىپ جاتقاندىعىن ايتتى.
«ۆاكتسينانى جەتكىزۋ جوسپار بويىنشا جۇرگىزىلىپ جاتىر. ول ساۋىردە حالىقتىڭ 20 پايىزىن قامتيدى. جۇمىس جالعاسىپ جاتىر. ۆاكتسيناتسيالاۋ ەلدەگى ەپيدەميولوگيالىق جاعدايدى تۇراقتاندىرادى»، - دەدى مينيستر.
"ادىرنا" ۇلتتىق پورتالى
