ءۇندىستان استاناسى نيۋ-دەلي بيلىگى كوروناۆيرۋستىڭ تارالۋىنا بايلانىستى قاتاڭ شەكتەۋلەردى تاعى ءبىر اپتاعا ياعني، وسى جىلدىڭ مامىر ايىنىڭ 3-نە دەيىن ۇزارتۋ تۋرالى شەشىم قابىلدادى دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
بۇل تۋرالى قازاقپارات قر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ حابارلايدى. لوكداۋن نيۋ-دەليگە 19 ءساۋىر كۇنى كەشكە ەنگىزىلگەن بولاتىن. جەكە كومپانيالاردىڭ بارلىق قىزمەتكەرلەرى تەك ۇيدەن جۇمىس ىستەۋ رەجيمىنە اۋىستىرىلدى. تەك مەملەكەتتىك مەكەمەلەر مەن «نەگىزگى قىزمەت كورسەتۋشىلەر» ادەتتەگىدەي جۇمىسىن جالعاستىرا بەرەدى. ازىق-تۇلىك دۇكەندەرى مەن ءدارىحانالار اشىق.
ازىق-تۇلىك ونىمدەرىن جانە قاجەتتى تاۋارلاردى ۇيگە جەتكىزۋگە دە رۇقسات ەتىلەدى. 26 ساۋىردەن باستاپ پەرۋ تۇرعىندارى دۇكەندەرگە، بازارلارعا، ساۋدا ورتالىقتارىنا، دارىحانالارعا جانە باسقا دا ادامدار كوپ جينالاتىن ورىندارعا بارعان كەزدە ءبىر ۋاقىتتا كوروناۆيرۋستان قورعاۋ ءۇشىن ەكى ماسكانى قاتار كيۋلەرى ءتيىس. سونىمەن قاتار، كوزدىڭ شىرىشتى قابىعىن قورعاۋ ءۇشىن ارنايى ءمولدىر ەكراندى قولدانۋ دا تالاپ ەتىلەدى. يتاليا بيلىگى كوروناۆيرۋس مۋتاتسياسىنا بايلانىستى سوڭعى ەكى اپتاسىن ءۇندىستاندا وتكىزگەندەردىڭ ەلگە كىرۋىن توقتاتتى.
بۇل تۋرالى دەنساۋلىق ساقتاۋ ءمينيسترى روبەرتو سپەرانتسا حابارلادى. «يتاليادا تۇراقتى تۇراتىن ادامدار مىندەتتى تۇردە كارانتيندە بولىپ، ءۇندىستاننان شىققان كەزدە جانە يتالياعا كىرەر كەزدە تەست تاپسىرىپ، ورالا الادى. سوڭعى 14 كۇندە ءۇندىستاندا بولعان جانە ءبىزدىڭ ەلدە جۇرگەندەردىڭ ءبارى اۋرۋدىڭ الدىن الۋ قىزمەتتەرىنە حابارلاسىپ، تەست تاپسىرۋلارى كەرەك»، - دەدى سپەرانتسا. كوستا-ريكا بيلىگى اۋرۋحانالاردا COVID-19 جۇقتىرعان پاتسيەنتتەرگە ارنالعان ورىن تاپشىلىعى قاۋپىنە الاڭداۋلى. «مۇنداي ناۋقاستارعا بولىنگەن توسەك ورىنداردىڭ 94% رەانيماتسيا بولىمشەلەرىندە جۇمىس ىستەيدى»، دەپ حابارلادى دەنساۋلىق ساقتاۋ مينيسترلىگى. ورتالىق امەريكا رەسپۋبليكاسىنىڭ بيلىگى ينفەكتسيانىڭ تارالۋىن بولدىرماۋ ماقساتىندا جەرگىلىكتى ۋاقىت بويىنشا 21.00-دەن 05.00-گە دەيىن جەكە كولىكتەردىڭ قوزعالىسىنا تىيىم سالدى.
